Šárka Záhrobská

Frå Wikipedia – det frie oppslagsverket
Hopp til navigering Hopp til søk
Šárka Záhrobská
Sarka Zahrobska Semmering 2008.jpg
Fødd 11. februar 1985 (36 år)
Benecko
Yrke alpinist
Šárka Záhrobská på Commons

Šárka Záhrobská, gift Strachová i 2013, (fødd 11. februar 1985) er ein tsjekkisk alpinist frå landsbyen Benecko som i 2007 vart verdsmeister i slalåm, og elles sikra seg to sølvmedaljar og ein bronsemedalje i spesialgreina slalåm under ulike verdsmeisterskap og olympiske leikar i tida 2005-10.

Aktiv[endre | endre wikiteksten]

Záhrobská debuterte i VM i alpine greiner 2001 med å verte nummer 21 i storslalåm, fire dagar før hy fylte 16 år. 15. desember 2002 fekk ho sin verdscupdebut og kom på ein overraskande femteplass i slalåm. Under VM i alpine greiner 2003 enda ho på niandeplassen i storslalåm.

Ho vann si fyrste VM-medalje då ho under VM i alpine greiner 2005 i Santa Caterina tok bronsemedaljen i slalåm, der einast kroatiske Janica Kostelić og finske Tanja Poutiainen rann fortare.

Záhrobská fekk si fyrste pallplassering i verdscupen i alpine greiner den 4. januar 2007 i Zagreb. Seks veker seinare, 16. februar 2007, opplevde ho sitt høgdepunkt som alpinist då ho vart verdsmeister i slalåm i Åre, framom favorittane Marlies Schild frå Austerrike og Anja Pärson frå arrangørlandet Sverige.

Den 30. november 2008 vann Záhrobská sin fyrste av to sigrar i verdscuprenn. Ho vann då slalåmrennet i Aspen i Colorado, ein prestasjon ho skulle gjenta same staden eitt år seinare, på ein dag nær. Under VM i alpine greiner 2009 vann ho sølvmedaljen i yndlingsgreina slalåm, året etter tok ho bronsemedaljen i same greina under vinterleikane 2010 i Vancouver. I dei tre alpine skimeisterskapane for perioden 2011-14 var ein åttandeplass i slalåm under VM i alpine greiner 2013 hennar beste plassering.

Kjelder[endre | endre wikiteksten]

  • Sportsboken, aktuelle årgangar