Al-Ziyarah

Frå Wikipedia – det frie oppslagsverket
Hopp til navigering Hopp til søk
Koordinatar: 35°41′21″N 36°20′18″E
Al-Ziyarah
Zeyareh, الزيارة
by
Land Flag of Syria.svg Syria
Guvernement Hama
Distrikt Al-Suqaylabiyah
Nahiyah Al-Ziyarah
Koordinatar 35°41′21″N 36°20′18″E
Folketal 3 541 (2004)
Syria location map3.svg
Locator Red.svg

Al-Ziyarah (arabisk الزيارة, òg skrive Zeyareh) er ein by nord i Syria i Hama guvernement, 75 kilometer nordvest for Hama. Han ligg på Ghabsletta, ved austbreidda av Orontes.[1] Av stader i nærleiken finn ein Qarqur 7 kilometer mot nord, Sirmaniyah i nordvest, Qastun i aust og Farikah, Khirbet al-Arus og al-Amqiyah Tahta i sør. I følgje Syrisk statistisk sentralbyrå, hadde al-Ziyarah eit folketal på 3 541 i 2004. Han er òg senter for eit nahiyah («underdistrikt»), ein del av Al-Suqaylabiyah-distriktet, som består av 25 stader med eit samla folketal på 38 872 i 2004.[2]

Historie[endre | endre wikiteksten]

Al-Ziyarah er identifisert som den arameisk byen «Ziara» frå antikken, som var ein del av kongedømet Hamath.[1]

Namnet al-Ziyarah er arabisk for «vitjingsplass». Al-Ziyarah har fått namnet frå ein heilagdom med to kuplar som ligg i byen.[3] Domen er kvit og omgjeve av eiketre.[4] Frå her har ein utsyn over sletta kring byen og Nusayriyahfjella.[3]

Før 1960 var nahiyah al-Ziyarah ein del av Idlib guvernement, før det vart ein del av Hama guvernement.[5] I 1970 bestod ein gjennomsnittleg hushaldning i al-Ziyarah av nesten ni personar.[6] Eit prosjekt for kunstig vatning som dekte 17 400 hektar i al-Ziyarah-området vart sett i gang i 1990.[7] Prosjektet stod ferdig med bygginga av Zeyzoundammen i 1995. Den 4. juni 2002 kollapsa dammen og skapte storflaum i området. I fem byar, mellom anna al-Ziyarah, vart hundrevis av bustadhus anten øydelagde eller fekk store skadar, noko som fekk dei syriske styresmaktene til å be om internasjonal hjelp. I alt mista ti personar livet, fem av dei, to kvinner, to born og ein tilsett ved dammen, budde i al-Ziyarah.[8]

Den 5. november 2012, under den syriske borgarkrigen eksploderte ei bilbombe utanfor eit statleg utviklingsbyrå i in al-Ziyarah. Statleg media hevda at to personar omkom og 10 vart skadde, medan aktivistar på den andre sida hevda at 50 syriske soldatar og statlege militssoldatar omkom.[9]

Kjelder[endre | endre wikiteksten]

  1. 1,0 1,1 Lipinsky, 2000, s. 276.
  2. Folketeljing 2004. Syrisk statistisk sentralbyrå (CBS). Hama guvernement. (arabisk)
  3. 3,0 3,1 Lyde, Samuel. The Asian Mystery Illustrated in the History, Religion, and Present State of the Ansaireeh or Nusairis of Syria. Longman, Green, Longman, and Roberts: (1860).
  4. Weulersse, 1946, s. 326.
  5. Al-Dbiyat, 1995, s. 17.
  6. Al-Dbiyat, 1995, s. 76.
  7. MEED. 34: 1-12. Economic East Economic Digest, Limited, 1990.
  8. Syria calls for urgent disaster aid after 10 killed in dam burst. Agence France-Presse. 2002-06-05.
  9. Several killed in Syria car bombings. BBC News. 2012-11-05.