Albany i New York

Albany
by
Flagg Våpenskjold
Motto: Assiduity – «Iherdighet»
Land	USA
Stat	New York
County	Albany County
Høgd	0–99 m
Areal	56,813795 km²
Folketal	99 224 (1. april 2020)
Grunnlagd	1614
Tidssone	EST (UTC-5)
Postnummer	12201-12, 12214, 12220, 12222-32
Retningsnummer	518
Albany i New York 42.65°N 73.766666666667°W / 42.65; -73.766666666667
Wikimedia Commons: Albany, New York

Albany er hovudstaden i den amerikanske delstaten New York. Albany har opp under 100 000 innbyggjarar og er hovudsete for fylket Albany County. Albany ligg 233 km nord-austom byen New York City på vestbreidda av Hudson River.

Byen har nære band til dei nærliggande byane Troy, Schenectady og Saratoga Springs, og i lag dannar dei ein region kalla Capital District. I 2010 hadde dette området kring 870 000 innbyggjarar og er det 58. største storbyområdet i USA.

Albany vart grunnlagd i 1614 av Dei sameinte Nederlanda og vart hovudstad i New York i 1797. Han er ein av dei eldste permanent busette stadane frå dei opphavlege tretten koloniane.

Historie

England tok byen frå Nederland i 1664, og gav han namnet Albany etter kong Jakob II som òg var hertug av Albany i Skottland.

I 1807 starta ein å køyre dampskip på Hudson River mellom Albany og New York City. Frå 1819 var byen forbunde med Dei store sjøane over Eriekanalen.

Med klokka frå toppen: Horisonten til Albany frå Rensselaer; mellomklassehus i Helderberg; Palace Theatre; Empire State Plaza frå Cultural Education Center; North Pearl Street ved Columbia Street; og State Quad ved SUNY Albany.

I 1831 byrja jarnbana å vekse fram som føretrekt transportmiddel. Lokomotivet DeWitt Clinton nytta berre 46 minutt frå Albany til Schenectady, og var inntil vidare det første damplokomotivet i heile New York.

Transport

Motorvegen I-87 knyter Albany til den sørlege delen av New York, og New York City (260 km). I nord går motorvegen til Montreal i Canada (350 km). Den andre motorvegen I-90 knyter byen til aust med Springfield, Massachusetts (140 km) og mot vest med Syracuse (230 km).

Kjelder

• Denne artikkelen bygger på «Albany (New York)» frå Wikipedia på bokmål, den 1. februar 2012.

Bakgrunnsstoff

Commons har multimedium som gjeld: Albany i New York

• Offisiell nettstad