Alika Milova
| Alika Milova | |||
.jpg) | |||
| Fødd | 5. september 2002 (21 år) | ||
|---|---|---|---|
| Fødestad | Narva | ||
| Opphav | Estland | ||
| Aktiv | 2021– | ||
| Instrument | vokal | ||
| Verka som | songar, låtskrivar | ||
Alika Milova (fødd 5. september 2002 i Narva i Estland) er ein estisk songar som opptrer under fornamnet Alika. I 2023 vann ho den estiske songtevlinga Eesti Laul og representerte Estland i Eurovision Song Contest 2023 med songen «Bridges».
Bakgrunn[endre | endre wikiteksten]
Milova blei fødd inn i ein russisk-estisk familie og vaks opp i Narva, like inntil grensa mot Russland. Ho snakkar både russisk og estisk, og har sunge frå svært tidleg alder.[1] Som barn deltok ho i ulike songtevlingar og tv-show i Estland og Baltikum, blant anna The Baltic Voice, New Wave Junior, Kaunas Talent, Bravo Song Contest og Berlin Perle. Ho blei for alvor kjend i Estland i 2021, då ho vann den åttande sesongen av talentshowet Eesti otsib superstaari (den estiske versjonen av Idol). Med sigeren fekk ho platekontrakt med Universal Music Group.[2]
I november 2022 kunngjorde den estiske kringkastaren ETV at Milova var blant deltakarane i Eesti Laul 2023 med songen «Bridges».[3] Ho deltok i den andre semifinalen i januar 2023 og kvalifiserte seg til finalen laurdag 11. februar.[4] I finalen blei ho kåra til vinnar gjennom telefonavrøysting, og ho fekk representere Estland i Eurovision Song Contest 2023 i Liverpool.[5][6] Der enda ho på åttandeplass, den beste plasseringa til Estland på fem år.[7] Låten «Bridges» er skriven av Milova sjølv, saman med Wouter Hardy, ein av låtskrivarane til Eurovision-vinnarbidraget «Arcade» i 2019.[8]
Diskografi[endre | endre wikiteksten]
Singlar[endre | endre wikiteksten]
- 2021 – «Õnnenumber»
- 2022 – «Bon Appetit»
- 2022 – «C'est La Vie»
- 2022 – «Bridges»
Kjelder[endre | endre wikiteksten]
- ↑ Marcel Stober (12. februar 2023). «Alikabaut beim Eurovision Song Contest "Bridges" für Estland». www.eurovision.de (på tysk). NDR. Henta 12. februar 2023.
- ↑ «Eestiuueks superstaariks sai Narva tüdruk Alika Milova!». Uudised (på estisk). 12. desember 2021. Henta 12. februar 2023.
- ↑ Grace, Emily (1. november 2022). «Estonia: Eesti Laul 2023 First Semi-Final Participants Revealed». Eurovoix (på engelsk). Henta 12. februar 2023.
- ↑ Grace, Emily (14. januar 2023). «Estonia: Eesti Laul 2023 Semi-Final Two Results». Eurovoix (på engelsk). Henta 12. februar 2023.
- ↑ Waarden, Franciska van (11. februar 2023). «Estonia: Alika to Eurovision 2023». Eurovoix (på engelsk). Henta 12. februar 2023.
- ↑ «Estoniachooses Alika and "Bridges" for Eurovision 2023». Eurovisionworld (på engelsk). 11. februar 2023. Henta 12. februar 2023.
- ↑ «Estonia». eurovision.tv (på engelsk). Henta 18. mai 2023.
- ↑ «EestiLaul 2023 | Alika "Bridges"». ERR (på engelsk). 5. desember 2022. Henta 12. februar 2023.
- Denne artikkelen bygger på «Alika Milova» frå Wikipedia på bokmål, den 2. mars 2024.