Astrid Krog Halse

Frå Wikipedia – det frie oppslagsverket
Gå til: navigering, søk

Astrid Krog Halse (fødd 25. januar 1914 i Oppbygda i Meldal, død 7. februar 2007 i Trondheim) var lærar og lyrikar, som er kjend for dikt på Meldalsmål.

Astrid Krog Halse var fødd inn i ein lærarfamilie. Som vaksen arbeidde ho òg som lærar, først på Ørlandet og i Hommelvika, før ho slo seg til ro ved Strindheim skole i Trondheim.

Krog Halse skreiv dei fleste dikta i tida si i Trondheim, men dei var sterkt påverka av oppveksten i Meldal. Debuten kom i 1961 med diktsamlinga Marimesse. I alt gav ho ut elleve diktsamlingar for born og vaksne, nokre av dei var gitt ut privat. Ho las sjøl fleire av dikta sine i "Ønskediktet" medan dette programmet gjekk i NRK. Ho fekk Meldal kommune sin kulturpris i 1998. Målet hennar mor, dikt i samling, kom på eit lokalt forlag i 2000. Ho har også skrive barneskodespel og lokalhistorie frå Meldal.

Musikkgruppa Gåte sette musikk til fleire av tekstane hennar. Mange andre komponistar og musikarar har også sett toner til dikta til Astrid. Eit utval av desse er medteke under.

Mange av dikta har gode kjelder i dialekt og historie i Meldal. Dikta varierer mellom naturskildringar, dystre eller muntre historier, regler eller personlege tema. Dikta har bunde, taktfast form og har inspirert mange musikarar til tonesetting.

Dei siste åra av livet levde Krog Halse på Ranheim sjukeheim i Trondheim.

Diktsamlingar[endre | endre wikiteksten]

  • 1961 - Marimesse, debut
  • 1964 - Løssi-natta
  • 1966 - Gull over gråstein
  • 1968 - Trettondagskvelden
  • 1969 - Oska og elden
  • 1970 - Dolsi Dalom: åt bånnom
  • 1973 - Storofsin
  • 1974 - Ante i Åsa, barnedikt
  • 1975 - Myrull
  • 1982 - Medaldal med segn og soge
  • 1994 - Gardgras
  • 2000 - Målet hennar mor, inneheld alle dikta hennar


Tonesettingar (utvalg)[endre | endre wikiteksten]

2013: Marthe Belsvik Stavrum, Eg siglar min båt. Hjemmeside MBS

2012: Heidi Skjerve, 4 tonesettingar, 3 på CD Vegen åt deg. Hjemmeside HS

2008: Wenche Hovstein Olsen, 5 tonesettingar

2004: Karstein Mauset, 4 tonesettingar på CD Bastuba (med Perikom).

2003 - 2005: Gåte, i alt 6 tonesettingar på CD'ene Gåte, Jygri og Iselilja

1990? Ronny Kjøsen, 3 tonesettingar/arrangement

1985 - 1990: Laila Fagerhaug Grut, i alt 23 tonesettingar, de fleste på kassettane Låt og Olåt, Kåsså Råsså og Ante i Åsa

1982 - 1985: Tor Haldberg, 22 tonesettingar

1970 - 1979: Per Hjort Albertsen, 8 tonesettingar, 5 på CD Selected Works i 2013

1970: Geir Tveitt, Eg møte deg alder, på CD Tonen med Birgitte Grimstad. Hjemmeside BG

1964 - 1976: Sigmund J. Stai, 7 tonesettinger

1961: Paul Okkenhaug, No kime´alle klokkun


Kjelder[endre | endre wikiteksten]