Augetrøyst

Augetrøyst, augnetrøyst eller svoleblom (Euphrasia), er små eittårige planter i leppeblomfamilien. Nyare gransking viser at augetrøyst står genetisk nær snylterotfamilien, og vert gjerne rekna til denne. Augetrøysten er ein halvsnyltar, noko som vil seie at dei delvis utfører fotosyntese og produserer organisk stoff sjølve, og delvis stel ferdig næring frå røtene til andre planter.

Augetrøyst er ein vanleg art med mange nærtståande artar. Han veks frå havnivå og opp til høgfjellet. Namnet har han fått fordi han tidlegare vart mykje nytta som augemedisin.

Desse artane veks vilt i Noreg:

• Lyngaugnetrøyst (Euphrasia micrantha)
• Storaugnetrøyst (Euphrasia rostkoviana)
• Strandaugnetrøyst (Euphrasia bottnica)
• Vanleg augnetrøyst (Euphrasia stricta)
• Gråaugnetrøyst (Euphrasia nemorosa)
• Fjellaugnetrøyst (Euphrasia frigida)
• Tromsøaugnetrøyst (Euphrasia hyperborea)
• Shetlandsaugnetrøyst (Euphrasia borealis)
• Skottlandsaugnetrøyst (Euphrasia scotica)
• Lappaugnetrøyst (Euphrasia lapponica)

Kjelder

• «Augetrøyst» i Caplex.
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.