Hopp til innhald

Artisten AURORA

Frå Wikipedia – det frie oppslagsverket
(Omdirigert frå Aurora Aksnes)
AURORA

Aurora på scene i Ravnedalen Live i 2024
Foto: Birgit Fostervold
Fødd15. juni 1996[1] (28 år)
FødestadStavanger kommune
FødenamnAurora Aksnes
OpphavNoreg
Aktiv2012–
Sjangeralternativ musikk, indiepop, synthpop, pop, nordisk folkemusikk, folktronica, indierock, danse-pop, alternative dance, balkanpop, mørk pop, art pop
Instrumentpiano, vokal, akustisk bassgitar, harpe, tangentinstrument, trommesett, feltopptak
PlateselskapDecca Records, Glassnote Records
Verka somsongar-låtskrivar, musikkprodusent, dansar, musikar, pianist
PrisarSpellemannprisen for årets nykommer, Spellemannprisen for årets popsolist, Spellemannprisen for årets musikkvideo, Spellemannprisen for årets internasjonale suksess, P3-prisen

Aurora Aksnes (fødd 15. juni 1996 i Stavanger)[2] er ein norsk songar og låtskrivar frå Os[2] kjend under artistnamnet AURORA. Ho er signert til plateselskapa Decca Records, Glassnote Records og Petroleum Records.[3]

Musikken hennar er ein kombinasjon av elektropop, folkemusikk og art pop; som vokalist har ho vorte beskriven som «eterisk». Ho spelte berre piano i byrjinga av karrieren, men seinare har ho også vore ansvarleg for perkusjon og andre aspekt ved musikkproduksjon. I tillegg til soloarbeidet har Aurora samarbeidd med og vore medlåtskrivar av songar for andre artistar, inkludert Askjell, Sub Urban, Sondre Lerche, Tom Odell og Chemical Brothers. I 2022 jobba Aurora saman med filmkomponisten Hans Zimmer, og gav vokalarbeid til Frozen Planet II-lydsporet.[4] Saman framførte dei «Take Me Back Home» i Royal Albert Hall som ein del av BBC sine Earth Proms.[5]

Karriere

[endre | endre wikiteksten]
Aurora Aksnes under Way Back When Festival i Tyskland i 2015.
Aurora Aksnes på Stavernfestivalen i 2018.
Foto: Tore Sætre
Aurora på Sentrum Scene 22. mars 2019.
Foto: Stian Schløsser Møller

Aurora vart i 2014 nominert som årets nykomar i P3 Gull.[6] Den 6. november 2015 gav ho ut singelen «Half the World Away», som er ein coverlåt av ein Oasis-song frå 1994. Singelen nådde ellevteplass på den britiske singellista. Den 11. desember 2015 framførte ho tre songar på Nobels fredspriskonsert på Telenor Arena; «Murder Song (5, 4, 3, 2, 1)», «Half the World Away» og «Runaway». Under Spellemannprisen 2015 vart ho kåra til årets nykomar og fekk dimed Gramostipendet på 250 000 kroner.[7] Ho var dessutan nominert under klassa årets låt for «Running with the Wolves».[8] Songen hennar «Conqueror» var med i det populære fotball-videospelet FIFA 16.[9] I januar 2016 vart ho av Rolling Stone lista som éin av ti nye artistar ein burde kjenna til.[10]

Den 11. mars 2016 vart debutalbumet hennar, All My Demons Greeting Me as a Friend, gjeve ut. For albumet vann ho Spellemannprisen 2016 i klassa popsolist, og vann i tillegg klassa årets musikkvideo for videoen «I Went Too Far» regissert av Arni & Kinski. Albumet var dessutan nominert til årets album.[11]

Det andre studioalbumet til Aurora, Infections of a Different Kind (Step 1), vart gjeve ut den 28. september 2018 og var planlagt som del éin av ein serie. Det andre albumet i serien, A Different Kind of Human (Step 2), vart gjeve ut den 7. juni 2019.[12] Ho vart nominert til Spellemannprisen 2018 i klassa årets musikkvideo for videoen «Queendom» frå Infections of a Different Kind (Step 1), regissert av Kinga Burza.[13]

I november 2019 vart filmmusikken til animasjonsfilmen Frost 2 av Disney gjeven ut, der Aurora tok del med bakgrunnsvokal på låten «Into the Unknown».[14] Ho stod også for stemma til The Voice i filmen. Låten vert sunge av stemmeskodespelar Idina Menzel. I den norske versjonen av filmen er låten omsett til «I ukjent land» og er sunge av Lisa Stokke. Oscarakademiet kunngjorde den 20. januar 2020 at låten var nominert i kategorien Beste originalmusikk.[15] Den 23. januar 2020 vart det kjent at Aurora og Idina Menzel skulle framføra låten under den 92. Oscarutdelinga som fann stad den 9. februar 2020.[16] Etter framvisinga på prisseremonien fekk Aurora gode tilbakemeldingar frå internasjonal presse.[17][18] Under Spellemannprisen 2021 vann ho klassa for årets internasjonale suksess.[19]

I januar 2022 gav ho ut sitt tredje album, The Gods We Can Touch. Ho fekk P3-prisen under P3 Gull 2022 og fekk tre nominasjonar ved Spellemannprisen 2022 for albumet og låten «A Temporary High».[20][21]

7. juni 2024 gav ho ut sitt fjerde album, What Happened to the Heart?. Ho fekk to nominasjonar under Spellemannprisen 2024 for kategoriane årets utgiving og alternativ pop for albumet.[22]

Diskografi

[endre | endre wikiteksten]

Studioalbum

[endre | endre wikiteksten]
År Album Listeplasseringar Sertifiseringar Sal/streaming
NOR
[23]
2016 All My Demons Greeting Me as a Friend 1 (2×) NOR
2× platina[24]
DK
1× gull[25]
PH
1× gull
GB
1× sølv[26] 		GB
73 383[27]
PH
600 000 000
2018 Infections of a Different Kind (Step 1) 7 NOR
1× platina[24] 		GB
11 886[27]
2019 A Different Kind of Human (Step 2) 4 NOR
1× platina[24] 		GB
20 643[27]
2022 The Gods We Can Touch 1 — GB
24 220[27]
CN
350 000 000
2024 What Happened to the Heart? 5 — GB
7 023[27]

EP-ar

[endre | endre wikiteksten]
År EP-ar Listeplasseringar Sertifiseringar Sal/streaming
NOR
[23]
2015 Running with the Wolves — NOR
1× platina[24] 		—

Singlar

[endre | endre wikiteksten]
  • «Puppet» (2012)
  • «Awakening» (2013)
  • «Under Stars» (2014)
  • «Runaway» (2015)
  • «Running with the Wolves» (2016)
  • «Murder Song (5, 4, 3, 2, 1)» (2015)
  • «Half the World Away» (2015)
  • «Conqueror» (2016)
  • «Warrior» (2016)
  • «I Went Too Far»
  • «Queendom» (2018)
  • «Forgotten Love» (2018)
  • «Animal» (2019)
  • «The Seed» (2019)
  • «The River» (2019)
  • «A Different Kind of Human» (2019)
  • «Apple Tree» (2019)
  • «Exist for Love» (2020)
  • «Cure for Me» (2021)
  • «Giving In to the Love» (2021)
  • «Paramour» (2021)
    (Sub Urban med Aurora)
  • «Heathens» (2021)
  • «A Dangerous Thing» (2022)
  • «A Temporary High» (2022)
  • «The Woman I Am» (2022)
  • «Storm» (2022)
    (med Wu Qing-feng)
  • «The Devil is Human» (2022)
  • «A Potion for Love» (2022)
  • «Your Blood» (2023)
  • «The Conflict of the Mind» (2024)
  • «Some Type of Skin» (2024)
  • «Animal Soul» (2024)
  • «Limousine» (2024)
    (Bring Me the Horizon med Aurora)
  • «Starvation» (2024)
  • «Some Type of Skin» (2025)
    (med Atarashii Gakko)
  • «The Flood» (2025)

Kjelder

[endre | endre wikiteksten]
  1. ↑ Silje Kathrine Sviggum. «En fri fugl». Magasinet, vedlegg til Dagbladet 2019.06.29. s. 28-35. 
  2. ↑ 2,0 2,1 «Aurora Aksnes». brak.no. Henta 15. mai 2016. 
  3. ↑ Jonas Pettersen (30. september 2014). «Ville ikke gi The Beatles platekontrakt, men signerte norske Aurora (18)». Dagbladet. Henta 15. mai 2016. 
  4. ↑ «Frozen Planet II – Original Television Soundtrack» (på engelsk). Proper Music. Henta 9. september 2024. 
  5. ↑ Rhian; Daly (30. august 2022). «Watch AURORA perform with Hans Zimmer at Earth Prom 2022» (på engelsk). NME. Henta 9. september 2024. 
  6. ↑ Trine Aandahl, Mats Borch Bugge, Marius Asp (5. november 2014). «Dette er de nominerte til P3 gull». P3. Henta 15. mars 2016. 
  7. ↑ Ingvill Dybfest Dahl; Stein Østbø (30. januar 2016). «Spellemann 2015 – her er vinnerne». VG. Henta 15. mars 2016. 
  8. ↑ «Kan bli tidenes yngste Spellemann-vinnere». nrk.no. 5. januar 2016. Henta 8. oktober 2023. 
  9. ↑ «Musikken i FIFA 16». www.easports.com. Henta 23. mars 2016. 
  10. ↑ Suzy Exposito (25. januar 2016). «Aurora Photo - 10 New Artists You Need to Know: January 2016». Rolling Stone (på engelsk). Henta 15. mars 2016. 
  11. ↑ «Marcus og Martinus ble Årets Spellemenn». nrk.no. 28. januar 2017. Henta 8. oktober 2023. 
  12. ↑ Maruis Asp (6. juni 2019). «Plateanmeldelse: Aurora – «A Different Kind of Human (Step 2)»: Euforiske Aurora». VG. Henta 6. juni 2019. 
  13. ↑ «Spellemann-glipp – nominert artist falt ut av listen». VG. 8. februar 2019. Henta 11. februar 2019. 
  14. ↑ Johnny Olekinski (21. november 2019). «Meet singer Aurora, the secret weapon of ‘Frozen 2’». New York Post (på engelsk). Henta 24. januar 2020. 
  15. ↑ Ingvill Dybfest Dahl (13. januar 2020). «Aurora med på Oscar-nominert sang». VG. Henta 24. januar 2020. 
  16. ↑ «Aurora skal opptre på Oscar-utdelingen». Aftenposten. 24. januar 2020. Henta 24. januar 2020. 
  17. ↑ «CNN om Auroras Oscar-opptreden: – Overjordisk stemme». www.aftenposten.no (på norsk bokmål). 10. februar 2020. Henta 30. mars 2022. «HOLLYWOOD (Bergens Tidende): Det vart ingen Oscar til låten «Into The Unknown», der Aurora var ein av artistane. Men stemma hennar vart kalla «overjordisk» etter framvisinga.» 
  18. ↑ «Who Is Aurora? Meet the Norwegian Pop Star Singing With Idina Menzel at the 2020 Oscars». PopCrush (på engelsk). 9. februar 2020. Henta 30. mars 2022. 
  19. ↑ «Disse fekk Spellemannprisar for 2021». nrk.no. 22. april 2022. Henta 22. april 2022. 
  20. ↑ «Alt om P3 Gull 2022». p3.no. 26. november 2022. Henta 27. november 2022. 
  21. ↑ «Karpe nominert til syv Spellemenn – med nykommerne Undergrunn hakk i hæl». dagsavisen.no. 3. mars 2023. Henta 18. mars 2023. 
  22. ↑ «Spellemann 2024: Dette er de nominerte». Nettavisen. 3. mars 2025. Henta 13. april 2025. 
  23. ↑ 23,0 23,1 «AURORA – VG-lista». VG-lista. Henta 13. april 2025. 
  24. ↑ 24,0 24,1 24,2 24,3 «Trofeoversikt – AURORA». IFPI Norge. Arkivert frå originalen 29. januar 2021. Henta 31. desember 2024. 
  25. ↑ «Dansk albumsertifiseringar – AURORA – All My Demons Greeting Me As A Friend» (på dansk). IFPI Danmark. Henta 31. desember 2024. 
  26. ↑ «Britiske albumsertifiseringar – AURORA – All My Demons Greeting Me As A Friend» (på engelsk). British Phonographic Industry. Henta 31. desember 2024. 
  27. ↑ 27,0 27,1 27,2 27,3 27,4 «Decca co-presidents salute 'magic artist' Aurora ahead of Friday night Glastonbury performance» (på engelsk). Music Week. 26. juni 2024. Henta 15. januar 2025. 

Bakgrunnsstoff

[endre | endre wikiteksten]
Commons har multimedium som gjeld: Artisten AURORA
Henta frå «https://nn.wikipedia.org/w/index.php?title=Artisten_AURORA&oldid=3602149»