Australskarv

Frå Wikipedia – det frie oppslagsverket
Gå til: navigering, søk
Australskarv

Status i verda: LC Livskraftig

Australskarv, januar 2008Foto: Glen Fergus
Australskarv, januar 2008
Foto: Glen Fergus

Systematikk
Klasse: Aves
Orden: Podicipediformes
Familie: Podicipedidae
Slekt: Phalacrocorax
Art: P. varius
Vitskapleg namn
Phalacrocorax varius

Australskarv (Phalacrocorax varius) er ein stor medlem av skarvfamilien med utbreiing avgrensa til Australia og New Zealand.

Australskarvar er ca. 81 centimeter i gjennomsnittleg lengd og veg om lag 2 kilogram. Oversida er glansfull, svart, ansikt og heile undersida frå hals til undergump er kvit, men beina og ei stripe frå beina opp til oversida er i svart. Auga er grøne med blå augering og framføre auga er det ein brungul, naken hudflekk. Ungfuglar har brun overside og er brunflekkete.

Australskarvar hekkar i det meste av kystområda av Australia, dei finst òg i innlandet av Australia der et ikkje er for tørt. På New Zealand hekkar dei meir spreidd, hovudområda er Kaipara Harbour og Hokianga Harbour på nordvestre Nordøya, dessutan spreidd på austkysten av Nordøya. På Sørøya hekkar dei i nordaustre kystområde frå Tasman Bay til Banks Peninsula, ved delar av Stewart Island/Rakiura og Fiordland. Ein finn òg hekkande australskarvar i store innsjøar.

Denne skarvarten er kolonihekkar og hekkar gjerne saman med andre artar som kortnebbskarv og storskarv. Hekketida er så og seie året rundt. Føda består hovudsakleg av 6 til 15 cm lange fiskar, det inkluderer flyndrer og ålar. Dei er gode dukkarar, kan vere under vatn i opp til 225 sekund og gå ned til 20 meter, mest vanleg varer dukka i 20-30 sekund med pausar på 5-10 sekund.

IUCN reknar ikkje denne arten som trua.[1]

Kjelder[endre | endre wikiteksten]

Referansar[endre | endre wikiteksten]

  1. BirdLife International 2012

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Australskarv