Ayrton Senna
| Ayrton Senna | |
|
| |
| Statsborgarskap | Brasil |
| Fødd | 21. mars 1960 Maternidade de São Paulo, São Paulo |
| Død | 1. mai 1994 (34 år) Ospedale Maggiore di Bologna, Autodromo Enzo e Dino Ferrari, Bologna |
| Idrett | Bilsport |
| Tok del i | Formel 1-sesongen 1984, Formel 1-sesongen 1985, Formel 1-sesongen 1986, Formel 1-sesongen 1987, Formel 1-sesongen 1988, Formel 1-sesongen 1989, Formel 1-sesongen 1990, Formel 1-sesongen 1991, Formel 1-sesongen 1992, Formel 1-sesongen 1993, Formel 1-sesongen 1994 |
| Utmerkingar | Formula One World Champion, L'Équipe Champion of Champions, Formula One World Champion, Formula One World Champion |
Ayrton Senna da Silva (21. mars 1960–1. mai 1994) var ein brasiliansk formel 1-førar. Han vart verdsmeister tre gonger.
Senna debuterte i formel 1-sirkuset i 1984, og vart raskt kjend som ein av dei mest talentfulle førarane. Det fyrste løpet han vann var i Belgias Grand Prix i 1985. I 1988 gjekk han over frå Lotus-teamet til McLaren, der han vart lagkamerat (og bitter rival) med rådande verdsmeister Alain Prost.
Senna vann den fyrste verdsmeisterskapen i 1988. Året etter kom han på andreplass bak Prost, og forholdet mellom dei to var no så dårleg at Prost melde overgang til Ferrari – og rivaliseringa mellom dei to heldt fram. Senna vart verdsmeister i 1990 og 1991, mens Prost avslutta si F1-karriere med å bli verdsmeister i 1993.
I 1994 gjekk Senna over til Williams-teamet. Etter å ha fått ein dårleg start på 1994-sesongen, der den nye stjerna Michael Schumacher hadde vunne dei to fyrste løpa den sesongen, håpa Senna å finne tilbake til vinnarforma i San Marino Grand Prix på Imola-bana. I dette løpet mista Senna kontrollen over bilen, og krasja i ein vegg i over 300 km/t. Det var inga bergingsvon, og han vart meld død då han kom til sjukehuset.
Hendingane på Imola-bana førte til at FIA sette større fokus på tryggleik. I tillegg til at F1-sirkuset mista si kanskje største stjerne denne dagen, omkom òg den unge austerrikaren Roland Ratzenberger under kvalifiseringa dagen før. Ayrton Senna er den så langt den siste F1-føraren som er omkommen i eit løp.