Bendiks Imenæs
| Bendiks Imenæs | |
| Statsborgarskap | Noreg |
| Fødd | 5. desember 1861 |
| Død | |
Bendiks Karelius Knutsson Imenæs (5. desember 1861–19. juli 1925) var ein norsk gardbrukar og politikar frå Landvik i Aust-Agder. Han representerte partiet Høgre på Stortinget valbolken 1910-12.
Imenæs var son til ein gardbrukar. Sjølv gjekk han den «Dahlske skole» i Grimstad. I 1893 tok han over drifta av farsgarden Imenes og dreiv denne til han døydde. Han var medlem i heradsstyret i over to tiår, og var ordførar 1902-13, skulestyreformann 1903-07, forlikskommissær frå 1906 og leiar av den lokale sparebanken frå 1909.
Perioden 1910-12 var han einmannskrinsen Sand sin representant på Stortinget, vald på eit Høgre-program. Han var medlem i Protokollkomiteen.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914