Bergs kommun

	Bergs kommun
	kommune
	Reininngjerding på Ljungris i Berg
	Kommunevåpen
	Kommunevåpen
Land	Sverige
Len	Jämtlands län
Landskap	Jämtland og Härjedalen
Centralort	Svenstavik
Areal	5 753 km²
Folketal	7 592
Folketettleik	1 / km²
	; Bergs kommun; 62°46′00″N 14°27′00″E / 62.766666666667°N 14.45°E
	Kart som viser Bergs kommun. Kart som viser Bergs kommun.
	Wikimedia Commons: Berg Municipality
	Nettstad: www.berg.se

Bergs kommun er ein kommune i Jämtlands län i Sverige. Kommunen grensar innanfor Jämtlands län til Åre kommun i nord, Östersunds kommun i nordaust, Bräcke kommun i aust og Härjedalens kommun i sør. Utanfor lenet grensar han dessutan til Ånge kommun i Västernorrlands län i aust og Tydal kommune i Noreg i vest. Administrasjonssenteret i kommunen er Svenstavik.

I dei vestlege delane av kommunen finn ein mykje fjellnatur, medan områda i aust omfattar ein del jordbruksbygder. Det er flest tilsette innanfor teneste- og servicenæringane. Vinterturismen har mykje å seie i så måte, særleg i områda Klövsjö og Vemdalen. Inlandsbanan går dessutan gjennom Bergs kommun.

Administrativ historikk

Berg var eitt av seks sokn innanfor området til den noverande kommunen som frå 1863 av utgjorde kvar sin landskommune. I 1888 vart Åsarne landskommun skild frå Bergs landskommun, og i 1895 Storsjö landskommun frå Hede landskommun for å opprette eigne kommunar.

Ved kommunereforma i 1952 vart Övre Ljungadalens landskommun oppretta gjennom samanslåing av Storsjö, Klövsjö og Åsarne, medan Myssjö vart innlemma i Ovikens landskommun. Hackås landskommun fekk tilført Näs og Sunne, medan det ikkje vart gjort endringar i Berg og Rätan.

Den noverande Bergs kommun vart oppretta i 1971 gjennom samanslåing av dei fem tidlegare einingane. Forsamlingane Näs og Sunne vart overførte til Östersunds kommun.

Kommunevåpen

Blasonering: På blå bakgrunn, ein oppskytande gullfarga flamme frå eit sølvfarga fjell, til venstre ei høgrevend øks, og til høgre ei børse, begge delar i sølv.^[1]

Det noverande kommunevåpenet vart registrert hjå Patent- och registreringsverket i 1988, og er basert på det eldre kommunevåpenet som Bergs landskommun tidlegare brukte. Øksa og børsa symboliserer dei gamle handverkaryrka tømmermann og børsemakar, og flammen den varden som vart tend på Hoverberget for å åtvare den lokale folkesetnaden om komande farar.

Tettstader

Det er fem tettstader i Bergs kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Svenstavik	948
2.	Hackås	518
3.	Klövsjö	312
4.	Åsarne	271
5.	Myrviken	224

Kjelder

«Bergs kommun» på Wikipedia på svensk, innhenta 7. mars 2010.
«Berg – kommune i Sverige» hjå Store norske leksikon, innhenta 7. mars 2010.

Referansar

↑ «I blått fält en från ett treberg av silver uppskjutande låga av guld, åtföljd till dexter av en sinistervänd yxa, och till sinister av en bössa båda av silver».

[1] «I blått fält en från ett treberg av silver uppskjutande låga av guld, åtföljd till dexter av en sinistervänd yxa, och till sinister av en bössa båda av silver».

[1]