Birger Leirud

Frå Wikipedia – det frie oppslagsverket
Hopp til navigering Hopp til søk
Birger Leirud
Fødd 26. juni 1924
Død

10. februar 1999

Yrke høydehopper

Birger Leirud (26. juni 192410. februar 1999) var ein friidrettsutøvar som representerte Leirsund IL i Akershus. Han vart nummer fire i høgdehopp under EM i friidrett 1946 i Oslo. I perioden 1946-52 vart han noregsmeister i høgdehopp fire gongar.

Aktiv[endre | endre wikiteksten]

Leirud kom på fjerdeplass i høgdehopptevlinga under EM 1946 på Bislett stadion, same sesongen som han vann sitt fyrste NM-gull. To år seinare vart han nummer 13 i finalen i under dei olympiske leikane i London, då landsmannen Bjørn Paulson tok sølvmedaljen i øvinga. Nettopp Paulson og Leirud kjempa drabeleg om NM-tittelen i OL-året, begge svinga seg over 1,96 m, med Paulson som vinnar.

Leirud vart norsk meister i høgdehopp både i 1949 og 1950, samt 1952. Han forbetra seg frå førre OL då han i 1952 kom på sjuandeplass under sommar-OL i Helsingfors med eit hopp på 1,90 meter.

Leirud sin personlege rekord i høgdehopp, 1,96 meter, oppnådde han fyrste gongen i september 1947 i Stockholm.

Medaljar i norske meisterskap[endre | endre wikiteksten]

  • 1946: Gull – 1,90 m, framom Alexander Yggeseth (1,85)
  • 1947: Sølv – 1,93 m, bakom Bjørn Gundersen (1,93 m)
  • 1948: Sølv – 1,96 m, bakom Bjørn Paulson (1,96 m)
  • 1949: Gull – 1,94 m, framom Eivind Wigstøl (1,80 m)
  • 1950: Gull – 1,90 m, framom Erik Stai (1,85 m)
  • 1952: Gull – 1,90 m, framom Bjørn Gundersen (1,90 m)

Kjelder[endre | endre wikiteksten]