Cyornis

Cyornis
Nymfeflugesnappar (C. rubeculoides), hannfugl
Systematikk
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Underorden:	Passeri
Parvorden:	Passerida
Overfamilie:	Muscicapoidea
Familie:	Flugesnapparfamilien Muscicapidae
Underfamilie:	Niltavinae
Slekt:	Cyornis Blyth, 1843

Cyornis er ei biologisk slekt av flugesnapparar med 32 medlemar som er utbreidd i Den orientalske regionen frå Himalaya til Sulawesi. Verdas naturvernunion, IUCN, har kategorisert to artar i slekta som kritisk truga, og nær 50 % av dei kategoriserte artane er raudlista.

Slekta Cyornis vart introdusert i 1843 av den britiske zoologen Edward Blyth, men utan å gje opp nokon typeart. Slektsnamnet kombinerer det antikke greske kuanos som betyr «mørk blå» med ornis som betyr «fugl».

Skildring

Dette er små til mellomstore einsarta flugesnapparar; mange arter er 15 cm i kroppslengd. Det er grovt rekna to hovudgrupper av fjørdrakter. Den største gruppa har dei mest iaugefallande hannfuglar i blått, med bryst i raudbrunt eller kvitt og elles kvit underside. Hoene er i brunt, raudbrunt, oransje nyansar og kvit buk. Denne kombinasjonen gjelder 23 av dei 32 artane. I dei resterande 9 artane er hannfuglar brune som hoene med lys eller nær kvit underside. Den minste av dei blå artane er blåstrupeflugesnappar som lever på Malayahalvøya, Sumatra og Borneo på 13-14 cm. Moglegvis er bleikhakeflugesnappar, frå Himalaya til sørlege Myanmar, den største med kroppslengd på opptil 18 cm.

Utbreiing

Ein kan finne mest mangfald av Cyornis på Borneo, 11 artar i slekta kan observerast der. Sumatra har registrert 7 artar. Om ein tar med dei store øyane er 22-23 artar å rekne som øyartar, fleire av dei på svært innskrenka utbreiingsområde.

Generelt er Cyornis standfuglar, men dei som hekkar lengst nord og høgtliggande er trekkfuglar. Fem artar er hekkar delvis inn i Himalaya. Av dei er arunachalflugesnappar, Cyornis magnirostris, ein trekkfugl som overvintrar på Malayahalvøya. Også nymfeflugesnappar (C. rubeculoides) trekker etter dette mønsteret, men overvintrar lengere mot vest.

• 
  Buskflugesnappar, Cyornis tickelliae
• 
  Koboltflugesnappar, C. hainanus, hoe
• 
  Koboltflugesnappar, C. hainanus, hann
• 
  Kvitbukflugesnappar, Cyornis pallidipes
• 
  Mangroveflugesnappar, Cyornis rufigastra

Status

Raudlista for Cyornis per 2023, fordeling over kategoriar ██ CR - kritisk truga 2 (7%)██ VU - sårbar 3 (10%)██ NT - nær truga 9 (31%)██ LC - livskraftig 15 (52%)

IUCN raudlistekategori er etter IOC World Bird List V14.1, 2024. 3 artar lista er ikkje godtatte av IUCN, er ikkje kategoriserte og ikkje medrekna i prosentvis fordeling.

Ravineflugesnappar (C. banyumas) på Java er kritisk truga, CR, med færre enn 1000 attlevande modne individ. Grunnen til denne statusen er tap av habitat og fangst for burfuglhandel. Medanflugesnappar (C. ruckii) er den andre arten i slekta som er kritisk truge. Populasjonen er estimert til å ligge under 50 individ. Den siste observasjonen er frå 1918. Leveområdet var på Nord-Sumatra.

Artsliste

Per 2024 har IOC lista opp 32 artar i IOC Word Bird List. Talet er aukande, til dømes var det berre 21 artar i utgåva frå mars 2008. Norske artsnamn er etter Norske navn på verdens fugler:

• Asurflugesnappar, C. unicolor, Pale Blue Flycatcher, Blyth, 1843, (LC)

• Apsaraflugesnappar, C. glaucicomans, Chinese Blue Flycatcher, Thayer & Bangs, 1909, (LC)

• Nymfeflugesnappar, C. rubeculoides, Blue-throated Blue Flycatcher, (Vigors, 1831), (LC)

• Koboltflugesnappar, C. hainanus, Hainan Blue Flycatcher, (Ogilvie-Grant, 1900), (LC)

• Borneoflugesnappar, C. superbus, Bornean Blue Flycatcher, Stresemann, 1925, (LC)

• Blåstrupeflugesnappar, C. turcosus, Malaysian Blue Flycatcher, Brüggemann, 1877, (NT)

• Svartkinnflugesnappar, C. lemprieri, Palawan Blue Flycatcher, (Sharpe, 1884), (NT)

• Sundaflugesnappar, C. caerulatus, Sunda Blue Flycatcher, (Bonaparte, 1857), (VU)

• Blåbrystflugesnappar, C. herioti, Blue-breasted Blue Flycatcher, Wardlaw-Ramsay, RG, 1886, (NT)

• Edelflugesnappar, C. camarinensis, Rufous-breasted Blue Flycatcher, (Rand & Rabor, 1967), (VU)

• Raudhaleflugesnappar, C. ruficauda, Philippine Jungle Flycatcher, (Sharpe, 1877), (LC)

• Suluflugesnappar, C. ocularis, Sulu Jungle Flycatcher, (Bourns & Worcester, 1894)

IOC har nyleg splitta taksonet frå C. ruficauda, ikkje anerkjent av Birdlife International

• Raudstjertflugesnappar, C. ruficrissa, Crocker Jungle Flycatcher, (Sharpe, 1887)

IOC har nyleg splitta taksonet frå C. ruficauda, ikkje anerkjent av Birdlife International

• Kvitbukflugesnappar, C. pallidipes, White-bellied Blue Flycatcher, (Jerdon, 1840), (LC)

• Brunbrystflugesnappar, C. brunneatus, Brown-chested Jungle Flycatcher, (Slater, HH, 1897), (VU)

• Nikobarflugesnappar, C. nicobaricus, Nicobar Jungle Flycatcher, (Richmond, 1902), (NT)

• Gråbrystflugesnappar, C. umbratilis, Grey-chested Jungle Flycatcher, (Strickland, 1849), (NT)

• Arunachalflugesnappar, C. magnirostris, Large Blue Flycatcher, Blyth, 1849, (NT)

• Buskflugesnappar, C. tickelliae, Tickell's Blue Flycatcher, Blyth, 1843, (LC)

• Indokinaflugesnappar, C. sumatrensis, Indochinese Blue Flycatcher, (Sharpe, 1879), (LC)

• Ravineflugesnappar, C. whitei, Hill Blue Flycatcher, Harington, 1908, (LC)

• Mangroveflugesnappar, C. rufigastra, Mangrove Blue Flycatcher, (Raffles, 1822), (LC)

• Alveflugesnappar, C. omissus, Sulawesi Blue Flycatcher, (Hartert, EJO, 1896), (LC)

• Kalaoflugesnappar, C. kalaoensis, Kalao Blue Flycatcher, (Hartert, EJO, 1896), ()

• Ravineflugesnappar, C. banyumas, Javan Blue Flycatcher, (Horsfield, 1821), (CR)

• Dayakflugesnappar, C. montanus, Dayak Blue Flycatcher, Robinson & Kinnear, 1928, (LC)

• Meratusflugesnappar, C. kadayangensis, Meratus Blue Flycatcher, Irham, Haryoko, Shakya, Mitchell, S, Burner, Bocos, Eaton, Rheindt, Suparno, Sheldon & Prawiradilaga, 2021, (NT)

• Bleikhakeflugesnappar, C. poliogenys, Pale-chinned Flycatcher, Brooks, WE, 1880, (LC)

• Okerbrystflugesnappar, C. olivaceus, Fulvous-chested Jungle Flycatcher, Hume, 1877, (LC)

• Pelengflugesnappar, C. pelingensis, Banggai Jungle Flycatcher, (Vaurie, 1952), (NT)

• Hennaflugesnappar, C. colonus, Sula Jungle Flycatcher, (Hartert, EJO, 1898), (NT)

• Medanflugesnappar, C. ruckii, Rück's Blue Flycatcher, (Oustalet, 1881), (CR)

Kjelder

• Winkler, D. W., S. M. Billerman, og I. J. Lovette (2020). World Flycatchers (Muscicapidae), version 1.0. In Birds of the World (S. M. Billerman, B. K. Keeney, P. G. Rodewald, og T. S. Schulenberg, red.) Cornell Lab of Ornithology, Ithaca, NY, USA. https://doi.org/10.2173/bow.muscic3.01

Merknadar

Referansar

Bakgrunnsstoff

Commons har multimedium som gjeld: Cyornis