Den internasjonale domstolen

For andre internasjonale domstolar i Haag, sjå Haag-domstolen

Den internasjonale domstolen
Palas Heddwch, Den Haag, pencadlys y Llys Cyfiawnder Rhyngwladol
Skipa	1945
Forgjengar(ar)	Den faste domstolen for mellomfolkeleg rettspleie
Morselskap	Dei sameinte nasjonane
Land	Nederland
Styreleiar	Joan Donoghue (8. februar 2021)
Nettstad	https://www.icj-cij.org (fransk)

Den internasjonale domstolen, på engelsk International Court of Justice, ICJ, er SN sin domstol. Domstolen vart skipa i 1945 og starta verksemda si i 1946. Den har sete i Haag i Nederland. Domstolen vart skipa som ein direkte etterfølgjar til Den faste domstolen for mellomfolkeleg rettspleie som var i verksemd frå 1921 til 1940.

Den internasjonale domstolen er det øvste juridiske organet i FN og har som oppdrag å bidra til at internasjonale lover blir følgde. Det er berre statar som kan vere partar i saker som blir teke til handsaming i domstolen. Dersom ein stat ikkje ynskjer å vere part, kan den ikkje tvingast til det. Men godtar ein stat å møte for domstolen, har staten i utgangspunktet plikt til å respektere domstolen si avgjerd.

Medlemmer

Domstolen har 15 dommarar, som blir valde av FN si generalforsamling og SN sitt tryggingsråd for periodar på ni år, med tiltreding 5. februar. Dette er dei 15 noverande dommarane:

Namn	Stat	Posisjon	Vald	Periode avslutta
Hisashi Owada	Japan	President	2003	2012
Peter Tomka	Slovakia	Visepresident	2003	2012
Shi Jiuyong	Folkerepublikken Kina	Medlem	1994, 2003	2012
Abdul G. Koroma	Sierra Leone	Medlem	1994, 2003	2012
Awn Shawkat Al-Khasawneh	Jordan	Medlem	2000, 2009	2018
Thomas Buergenthal	USA	Medlem	2000, 2006	2015
Bruno Simma	Tyskland	Medlem	2003	2012
Ronny Abraham	Frankrike	Medlem	2005, 2009	2018
Sir Kenneth Keith	New Zealand	Medlem	2006	2015
Bernardo Sepúlveda Amor	Mexico	Medlem	2006	2015
Mohamed Bennouna	Marokko	Medlem	2006	2015
Leonid Skotnikov	Russland	Medlem	2006	2015
Antônio Augusto Cançado Trindade	Brasil	Medlem	2009	2018
Abdulqawi Yusuf	Somalia	Medlem	2009	2018
Christopher John Greenwood	Storbritannia	Medlem	2009	2018

Sjå òg

• Den internasjonale havrettsdomstolen

Bakgrunnsstoff

Commons har multimedium som gjeld: Den internasjonale domstolen

• Offisiell nettstad