Det zimbabwiske flagget

Det zimbabwiske flagget er delt i sju vassrette striper med ein kvit, svarkanta trekant på venstre side. I denne finst ei femtakka raud stjerne med ein gul zimbabwefugl oppå. Zimbabwe tok i bruk flagget som nasjonalflagg den 18. april 1980.

Symbolikk

Zimbabwefuglen er eit symbol for landet, etter ein statue som vart funnen i ruinane av Store Zimbabwe. Fuglen står for Zimbabwe si historie, medan den raude stjerna under symboliserer kampen for sjølvstende.

Flagget bruker panafrikanske fargar. Den offisielle tydinga av fargane i flagget er elles:

Grønt for landbruket og landsbygda i Zimbabwe
Gult for mineralrikdommen i landet
Raudt for blodet tapt under Chimurengakrigane
Svart for arva og etnisitetet til opphavlege afrikanarar i Zimbabwe
Kvitt for fred

Historikk

Flaggan bygger på det sjølvstenderørsla ZANU (Zimbabwe African National Union) nytta under kampen mot den rhodesiske regjeringa på 1970-talet.

Tidlegare brukte Sør-Rhodesia, som mange andre britiske koloniar, orlogsflagget Blue Ensign som grunnlag for sitt flagg. Då utbrytarrepublikken Rhodesia blei til i 1964 brukte ein eit flagg med lyseblå duk som bygde på flagget til det britiske flyvåpenet. 11. november 1968 bytta ein flagget ut med eit grønt og kvitt flagg utan britiske symbol.

Flagget til Sør-Rhodesia 1923-1953.
Flagget til Den sentralafrikanske federasjonen (Rhodesia og Nyasaland) 1953-1963.
Den sjølverklært staten Rhodesia sitt flagg (1964).
Det rhodesiske flagget 1968-1979.
Flagget nytta av Zimbabwe-Rhodesia under sjølvstendekampen i 1979.
Flagget brukt av ZANU-PF i dag