Det sørsudanske flagget

Det sørsudanske flagget.

Det sørsudanske flagget er danna av vassrette striper og ein blå trekant som peiker innover frå venstre med ei gul stjerne. Det byggjer på det sudanske flagget i utforming og det kenyanske i fargeval.

Ein mann blant publikum med det sørsudanske flagget idet landet får sjølvstende 9. juli 2011.

Historie

Flagget blei teke i bruk som nasjonalflagg for Sør-Sudan då landet fekk sjølvstende den 9. juli 2011. Det hadde allereie vore i bruk sidan Sør-Sudan fekk sjølvstyre frå 9. juli 2005, og før det av sjølvstenderørsla SPLA.

Symbolikk

Raudfargen i flagget symboliserer blodet tapt under fridomskampen. Kvitt står for freden som blei oppnådd etter kampen. Blått står for Nilen, grønt for naturressursane i landet, svart for huda til innbyggjarane og den gule stjerna skal vera ei leiestjerne for landet og innbyggjarane.

Kjelder

• State Symbols Arkivert 2012-04-29 ved Wayback Machine.. Government of South Sudan, www.goss-online.org.

---

• Denne artikkelen bygger på «Flag of South Sudan» frå Wikipedia på engelsk, den 18. juli 2011.