Drohobytsj

Drohobytsj
Дрогóбич
by
Gate i sentrum av Drohobytsj
Flagg våpen
Land	Ukraina
Oblast	Lviv oblast
Koordinatar	49°21′00″N 23°30′00″E
Areal	41,0 km²
Folketal	78 368  (2005)
Folketettleik	1 911 / km²
Først nemnd	1387
Borgarmeister	Taras Kutsjma
Drohobytsj 49.35°N 23.5°E / 49.35; 23.5
Kart som viser Drohobytsj. Kart som viser Drohobytsj.
Wikimedia Commons: Drohobych
Nettstad: http://drohobych.com

Drohobytsj (ukrainsk Дрогóбич, polsk Drohobycz) er ein by som ligg ved samløpet mellom elvane Tysmenytsia og Seret i Lviv oblast (provins), vest i Ukraina. Byen har kring 80 000 innbyggjarar (2010), medan storbyområdet har litt over 100 000 innbyggjarar. Dei fleste tilhøyrer den ukrainske gresk-katolske kyrkja, men det er òg mange ukrainsk-ortodokse.

Byen er for første gongen nemnd i eit dokument frå 1387. I mellomalderen låg slottsborga Tustan her. Byen låg i denne perioden under Polen. Frå 1772 vart Drohobytsj og Galizia liggjande under Austerrike-Ungarn. Etter første verdskrigen vart byen igjen polsk, før han i samband med andre verdskrigen tilfalt Ukraina og Sovjetunionen.

Drohobytsj var heimbyen til den kjende jødiske forfattaren og målaren Bruno Schulz, som gjennom heile forfattarskapen sitt skildra heimbyen sin, overgangen mellom ulike tider, mytar og røyndom. Ivan Franko vart òg fødd i nærleiken av Drohobytsj, i landsbyen Nahujevitsji.

Historiske folketal

• 1931 — 32 300 innbyggjarar
• 1959 — 42 000 innbyggjarar
• 1970 — 56 000 innbyggjarar
• 2001 — 79 000 innbyggjarar

I 1869 hadde byen 16 880 innbyggjarar. 28,7% var ukrainarar, 23,2% var polakkar (romersk-katolske) og 47,7% var jødar. Hendingane under og etter andre verdskrigen endra den etniske samansetnaden i byen, i 1959 var dette endra til 70% ukrainarar, 22% russarar og berre eit fåtal polakkar og jødar.

Eit av de største oljeraffineria i Europa opererte i Drohobytsj frå 1909 til 1939. Det heitte Polmin.

Galleri

• 
  Rådhus
• 
  Bymuseet "Drohobychchyna"
• 
  Biologisk fakultetsbygning
• 
  Holy Trinity Church
• 
  Bygging av Fakultet for fysikk og matematikk

Kjelder

• Denne artikkelen bygger på «Drohobych» frå Wikipedia på engelsk, og «Drohobytsj» frå Wikipedia på bokmål den 16. september 2012.
  • Wikipedia på engelsk oppgav desse kjeldene:

Bakgrunnsstoff

Wikimedia Commons har multimedia som gjeld: Drohobytsj

• Drohobytsj - byportal (ukrainsk)