Dronningvevkjerring

Dronningvevkjerring
Dronningvevkjerring
Status
Status i Noreg: Livskraftig
Systematikk
Rike:	Dyr Animalia
Rekkje:	Leddyr Arthropoda
Underrekkje:	Chelicerata
Klasse:	Edderkoppdyr Arachnida
Orden:	Vevkjerringar Opiliones
Familie:	Phalangiidae
Slekt:	Megabunus
Art:	Dronningvevkjerring M. diadema
Vitskapleg namn
Megabunus diadema Fabricius, 1779

Dronningvevkjerring (Megabunus diadema) er ei vevkjerring (langbein) som finst utbreidd i nordvestlege delar av Europa: på Island og Færøyene, Storbritannia, vest i Frankrike og nord i Spania. I Noreg finst han òg, på vestkysten frå Trøndelag til Vest-Agder.

Kjenneteikn

Dronningvevkjerring er, som andre vevkjerringer, eit åttebeint lite dyr med særs lange bein i høve til kroppen, lange bein-aktige pedipalpar og augo plassert på ein slags «pidestall» (augetuberkel) om lag midt på kroppen. Arten er lett å skilja frå andre nordiske artar på strukturen som har gitt han namnet sitt; «diademet» som omkransar augetuberkelen.

Hoene er som regel 3,2-4,8 mm lange. Hannar er særs sjeldne, sidan arten for det meste formeirar seg ved partenogenese - jomfrufødsel.

Levesett

Vevkjerringa lever på stein i barskog og blandingsskog, på myrer og i lyngheier. I motsetnad til mange andre vevkjerringar er ikkje arten særleg sensitiv overfor lys.

Kjelder

• Stol, Ingvar: Jakten pa den partenogenetiske langbein Megabunus diadema (Opiliones) i Insekt-Nytt 1, 1999
• Stol, Ingvar: Ecology and body size of the parthenogenetic Megabunus diadema (Fabricius, 1779) (Opiliones: Phalangiidae) at Karmøy, Western Norway i Fauna Norvegica 25: 39-44 (2005, Abstract)

Bakgrunnsstoff

• (no) dronningvevkjerring hos Artsdatabanken
• (en) dronningvevkjerring i Catalogue of Life
• (en) dronningvevkjerring i Global Biodiversity Information Facility
• (sv) dronningvevkjerring hos Dyntaxa
• (en) dronningvevkjerring hos Fauna Europaea