Egil Bergsland
| Egil Bergsland | |||
| Fødd | 2. september 1924 | ||
|---|---|---|---|
| Død | 12. oktober 2007 (83 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar | ||
| Alle verv |
| ||
Egil Bergsland (2. september 1924–12. oktober 2007) var ein norsk politikar frå Notodden i Telemark. Han representerte Telemark og Arbeidarpartiet på Stortinget perioden 1977-81.
Bergsland var son til ein industriarbeidar. Sjølv tok han til å arbeide i Norsk Hydro A/S i 1946 og var tilsett i industriselskapet til 1985. Frå 1962 hadde han ymse kontorjobbar, personalsjef 1973-76 og assisterande direktør 1976-85.
Bergsland var heradsstyremedlem for Arbeidarpartiet i Heddal 1956-64, frå 1960 med plass i formannskapet. Etter kommunesamanslåing i 1964 var han varaordførar i Notodden kommune 1964-67 og ordførar 1972-75. Han var med i fylkestinget i Telemark 1964-67 og frå 1972 til 1993, dei siste 14 år som medlem i fylkesutvalet. Stortingsperioden 1977-81 var han vald inn frå Telemark. På Tinget var han medlem i Kommunal- og miljøvernkomiteen.
Bergsland hadde ei mengd tillitsverv, både offentlege og i samfunnslivet elles..