Fedrelandslaget

Fedrelandslaget
Skipa	25. januar 1925
Leiar	Joakim Lehmkuhl, Victor Mogens
Ideologi	konservatisme, antikommunisme, korporativisme, nasjonalisme
Medlemmer	100 000

Fedrelandslaget var ein norsk høgrenasjonalistisk organisasjon som vart skipa i 1925. Ingeniøren Joakim Lehmkuhl er rekna som initiativtakar til skipinga. Elles var polfararen Fridtjof Nansen og tidlegare statsminister Christian Michelsen med mellom stiftarane. Føremålet med organisasjonen var å skapa ein borgarleg front mot den framveksande sosialismen. Høgresida i norsk politikk skulle samlast. Fedrelandslaget spela ei viktig rolle i stortingsvalet i 1930, utan sjølv å stilla til val.

Om Fedrelandslaget i 1930-åra seier Norgeslexi dette: «I 1930-årene var Fedrelandslaget tydelig inspirert av italiensk fascisme og tysk nasjonalsosialisme, men samtidig ble organisasjonen politisk sett en mer marginal foreteelse i Norge.»

Den seinare skiparen av Anders Langes Parti (no Framstegspartiet), Anders Lange, var partisekretær i Fedrelandslaget frå 1930 til 1938.

Ved stortingsvalet i 1936 stilte Fedrelandslaget eigne lister i nokre fylke og felleslister med Frisindede Folkeparti i andre, men oppnådde ikkje å bli vald inn på Stortinget. Fedrelandslaget vart forbode saman med alle andre politiske rørsler under den tyske okkupasjonen, og starta ikkje opp igjen aktiviteten sin etter frigjeringa.

Kjende medlemer

• Fridtjof Nansen
• Vidkun Quisling
• Christian Michelsen
• Hjalmar Riiser-Larsen
• Jens Bratlie
• Tryggve Gran
• Anders Lange
• Johan Hjort
• Bjørn Helland-Hansen
• Johan Bernhard Hjort
• Olaf Broch
• Johan Throne Holst
• Thorvald Aadahl
• Frøis Frøisland
• Jacob Stenersen Worm-Müller
• Ola Thommessen
• Rudolf Falck Ræder
• Thomas Olsen
• Walter Fyrst
• Adolf Egeberg jr.
• Carl Johan Erichsen
• Eugène Olaussen
• Herman Scheel
• Jørgen Blydt
• Lars Eskeland
• Lars Olsen Aukrust
• Ranik Halle
• Albin Eines
• Arne Meidell
• Herman Meinich
• Joakim Lehmkuhl
• John Aalmo
• Olav Moe
• Ole Jacob Skattum
• Oluf Müller
• Simen Fougner
• Victor Mogens
• Johannes Bragstad
• Severin Eskeland
• Sverre Mitsem
• Alf Amble
• Anders Fjelstad
• Eiliv Odde Hauge
• Fredrik Barbe Wallem
• Johan Ernst Mowinckel
• Realph Norland
• Stein Barth-Heyerdahl
• Terje Baalsrud
• Valentin Rosenlund
• Waldemar Stoud Platou
• Wilhelm Nicolaysen
• Birger Kildal
• Carl Hagbarth Gulbranson
• Christopher Borchgrevink
• Fredrik Odfjell
• Holger Ursin
• Leiv Lea
• Olav Arnstad
• Ole Melvold
• Ole Rømer Aagaard Sandberg
• Oluf Skjelbred-Knudsen
• Otto Skirstad
• Reidar Foss
• Roar Matheson Bye

Bakgrunnsstoff

• Fridtjof Nansens tale ved stiftelsen av Fedrelandslaget (1925) Arkivert 2007-09-30 ved Wayback Machine. på http://historie.cappelen.no Arkivert 2007-02-07 ved Wayback Machine.