Fela Kuti
| Fela Kuti | |
 | |
| Fødd | 15. oktober 1938 Abeokuta |
| Død | |
| Yrke | musikar, saksofonist, orkesterleiar, songar og låtskrivar, dirigent, songar, komponist, aktivist |
| Fela Kuti på Commons | |
Fela Kuti (15. oktober 1938–2. august 1997) var ein nigeriansk musikar og sosial opprørar. Han var leiande innan sjangeren afrobeat, som er ein type dansemusikk med innslag av joruba-musikk, rythm and blues og funk, og spelte i tillegg jazz.
Fela Kuti var son av ein nigeriansk minister, og det at han valde å satsa på musikken framføre ei akademisk utdanning vart ikkje godt motteke hjå familien hans. Då han var på turne i Sambandsstatane på 60-talet vart han kjend med personar frå den marxistiske borgarrettsrørsla Black Panthers, noko som vart avgjerande for det vidare livet hans. Då han kom attende til Nigeria var han vorten ein særs politisk artist. Gjennom 70-talet laga han over 30 plater der han kritiserte nigerianske styresmakter for mdllom anna korrupsjon og maktmisbruk. Kuti vart arrestert i 1984, og sat i fengsel i 20 månader, noko som berre gjorde han meir populær.
