Fiskerlivets farer
| Regi | Julius Jaenzon  |
|---|---|
| Produsent(ar) | Hugo Hermansen |
| Manus | Peter Lykke-Seest |
| Medverkande | Alma Lund, Henry Hagerup, Edith Carlmar, Kristoffer Aamot |
| Sjeffotograf | Julius Jaenzon |
| Distributør | Norsk Kinematograf |
| Utgjevingsdato | 1907 |
| Opphavsland | Noreg |
| Språk | norsk |
Fiskerlivets farer er ein norsk film laga ei gong i tidsrommet 1906–1908. Filmen er rekna å vera den fyrste dramatiske fiksjonsfilmen i Noreg. Filmen er i tillegg rekna å vera den fyrste spira til norsk spelefilmproduksjon. I nyare tid ville filmen vorte klassifisert som ein kortfilm.
Ein alternativ tittel er Et drama på havet. Filmen var ein stumfilm i svart/kvitt. Originalfilmen er ikkje teken vare på. I 1954 vart filmen spela inn på nytt. Kinodirektøren i Oslo, Kristoffer Aamodt, var ein hovudmann i innspelinga. Aamodt spela den eine rolla i rekonstruksjonen. Regissøren Edith Carlmar spela den andre.
Truleg vart originalfilmen laga mellom 1906 og 1908. Mange tider vert det oppgjeve at filmen vart laga ferdig i 1907. Andre kjelder oppgjev at filminga fann stad ein sumardag i 1908 med speglblankt hav i hamneområdet Frognerkilen i Oslo.
Handling[endre | endre wikiteksten]
Handlinga er melodramatisk, som i mange filmar frå pionertida innan film. Ein fiskar og sonen legg ut på sjøen for å fiska. Mora står att på land. Etter ei stund ser mora (Alma Lund) at sonen (Henry Hagerup) fell ut av båten og druknar. Foreldra syrgjer etterpå over den døde sonen.
- Fotograf og regissør: Julius Jaenzon (svensk)
- Produsent: Hugo Hermansen
- Filmen varar om lag 6 minutt
Bakgrunnsstoff[endre | endre wikiteksten]
- Fiskerlivets farer ved The Internet Movie Database (IMDb)