Folke Bernadotte

Folke Bernadotte
Statsborgarskap	Sverige
Fødd	2. januar 1895 Stockholm, Skeppsholms församling
Død	17. september 1948 (53 år) Jerusalem
Yrke	politikar, diplomat, hæroffiser
Språk	svensk, engelsk, tysk
Religion	Den evangelisk-lutherske kyrkja
Far	Oscar Bernadotte
Mor	Ebba Bernadotte
Ektefelle	Estelle Ekstrand
Folke Bernadotte på Commons

Folke Bernadotte snakkar med australske krigsfangar i Tyskland i 1943‎

Folke Bernadotte af Wisborg (2. januar 1895–17. september 1948) var ein svensk greve, ein av leiarane av den svenske Raudekrossen og diplomat.

Dei kvite bussane

I Noreg er han mest kjend for arbeidet med organiseringa av Dei kvite bussane, som førte til at mange norske og danske fangar i nazi-tyske konsentrasjonsleirar vart frigitt.

Palestina

Han vart utnemnd til FN sin hovudmeklar i Palestina i 1948, blant anna klarte han å få til ein våpenkvile mellom Israel og dei arabiske landa. Under oppdrag i Jerusalem vart han 17. september 1948 myrda av ei jødisk terroristgruppe, Lehi («Stern-gjengen»).

Det var tre leiande menn i denne gruppa som hadde godkjent mordet: Den seinare statsministeren i Israel Yitzhak Shamir, Natan Yellin-Mor, og Yisrael Eldad, og det vart planlagt av operativ leiar for Lehi i Jerusalem, Yehoshua Zetler. Zetler døydde i Israel i 2009, 92 år gamal.

Kjelder

• Denne artikkelen bygger på «Folke Bernadotte» frå Wikipedia på bokmål, og «Folke Bernadotte» frå Wikipedia på engelsk den 21. mai 2009.