Gianmarco Tamberi

Gianmarco Tamberi
Statsborgarskap	Italia
Fødd	1. juni 1992 (31 år) Civitanova Marche
Idrett	friidrett
Tok del i	Sommar-OL 2012, EM i friidrett innendørs 2019 – Høydehopp menn, Friidrett under Sommar-OL 2020 – Høgdehopp menn, VM i friidrett innendørs 2022 – Høydehopp menn
Utmerkingar	Gullkraven for sportslig fortjenste

Gianmarco Tamberi (fødd 1. juni 1992) er ein italiensk høgdehoppar frå Civitanova Marche som vart europameister i 2016 og olympisk meister i 2021.

Aktiv

Sommaren 2015 sette Tamberi italiensk rekord i Köln der han tok seg over 2,34 meter. Like etter forbetra han rekorden til 2,37 m i eit stemne i Eberstadt. Innandørs-sesongen 2016 hoppa han 2,38 m då han sigra i ei tevling i Hustopeče i Tsjekkia, og 2,36 m då han tok fyrsteplassen i hall-VM i Portland i Oregon. 10. juli 2016 var han den einaste som klarte 2,32 m i EM-finalen i Amsterdam. Fem dagar etter forbetra han den italienske rekorden til 2,39 meter i Monaco.

Tamberi kom tilbake i gammal form i 2021. Under dei olympiske leikane 2021 i Tokyo stod han og Mutaz Essa Barshim frå Qatar heilt likt etter at begge reiv i alle tre forsøka på 2,39 m, og ingen hadde riv tidlegare i tevlinga. I staden for å halde fram å tevle, valde dei to å dele fyrsteplassen og begge fekk OL-gull.

Medaljar og plasseringar i internasjonale meisterskap

• EM 2012 i Helsinki: Nr 5 – 2,24 m
• OL 2012 i London: Utslått i kvalifiseringa (2,21 m=nr 21)
• EM 2014 i Zürich: Nr 7 – 2,26 m
• VM 2015 i Beijing: Nr 8 – 2,25 m
• EM 2016 i Amsterdam: Gullmedalje – 2,32 m, framom Robert Grabarz (2,29 m)
• VM 2017 i London: Utslått i kvalifiseringa (2,29=nr 13)
• OL i 2021 i Tokyo: Gullmedalje – 2,37, jamt med Mutaz Essa Barshim

Kjelder

• Denne artikkelen bygger på «Gianmarco Tamberi» frå Wikipedia på tysk, den 22. juni 2022.

• «Gianmarco Tamberi» (på engelsk). Olympedia. Henta 10. mars 2023.