Gregorio Allegri

Frå Wikipedia – det frie oppslagsverket
Gregorio Allegri

Statsborgarskap Kyrkjestaten
Fødd 1582
Roma
Død

17. februar 1652 (69 år)
Roma

Yrke komponist, prest, kantor, songar
Språk italiensk
Religion Den romersk-katolske kyrkja
Gregorio Allegri på Commons

Gregorio Allegri (158217. februar 1652) var ein italiensk komponist og tenorsongar knytt til seinrenessansen og tidleg barokk.

Liv[endre | endre wikiteksten]

Allegri var fødd i Roma. Han var korgut ved San Luigi de Francesci frå 1591, og elev av Giovanni Maria Nanino. Frå 1607 til 1621 var Gregorio kapellmeister ved domkyrkja i Fermo, og frå 1629 songar i det pavelege orkesteret under pave Urban VIII.

Verk[endre | endre wikiteksten]

Allegri komponerte messer, motettar, eit Te Deum, eit Magnificat og ei firstemmig strykarsonate.

Den best kjende av komposisjonane hans er den nistemmige Miserere, som toneset Salme 51 i Bibelen. Stykket blei endra og utvida mange gonger i løpet av livet hans, og fekk ein segnomspunnen status. Det blei berre framført Det sixtinske kapellet under den stille veka, og var forbode å kopiera. I 1770 kom fjortenårige Mozart til Roma, høyrde stykket to gonger og skreiv det ned etter minnet, og ein engelsk musikkhistorikar gav det ut i London. Etterkvart blei kopieringsforbodet heva, og fleire seinare komponistar, som Felix Mendelssohn og Franz Liszt, transkriberte verket.

Kjelder[endre | endre wikiteksten]

«Gregorio_Allegri» i Store norske leksikon, snl.no.

Bakgrunnsstoff[endre | endre wikiteksten]