Hans Bjørnstad

Frå Wikipedia – det frie oppslagsverket
Hopp til navigering Hopp til søk
Hans Bjørnstad
Hans Bjørnstad 1950b.jpg
Fødd 18. mars 1928
Lier
Død

24. mai 2007

Hans Bjørnstad på Commons

Hans Bjørnstad (18. mars 192824. mai 2007) var ein norsk skihoppar frå Lier. Han representerte Ski- og Ballklubben Drafn og vart verdsmeister i skihopp i 1950 i Lake Placid.

Aktiv[endre | endre wikiteksten]

Bjørnstad vann fem førstepremiar i hopprenn i 1946-sesongen, og han vart nummer tre i junior-NM og nummer 5 i Holmenkollen. Året etter vart han nummer 6 i noregsmeisterskapen. I 1948 vann han fem skirenn, mellom anna krinsmeisterskapen, og han tok ein sjetteplasss i Holmenkollen. Også i 1949 vart han nr 6 i Holmenkollen, men vann hopprenn både i Drafnkollen og Skuibakken. Viktigast i 1949-sesongen var nok likevel at han vart med i uttakingsrennet til verdsmeisterskapen 1950.

Kring juletid 1949 reiste Bjørnstad til Skuibakken i Bærum for å trene med landslaget, etter oppfordring frå den sentrale idrettsleiaren Hansteen Johansen. Det enda med at Bjørnstad kom med i hopptroppa til VM i Lake Placid, som sjuandemann på laget. Etter nokre oppvarmingsrundar i OL-bakken var det ingen tvil om at han måtte få starte i VM-hopprennet. Bjørnstad presterte over evne i tevlinga, og vart verdsmeister med klar margin. Han hadde dei to lengste hoppa i tevlinga, 68 meter og 68,5 m, og fekk seks poeng meir enn svensken Ture Lindgren. På bronseplasss kom Arnfinn Bergmann.

Same året som Bjørnstad tok VM-gull, vart han også nummer to i Holmenkollen og fekk sølvmedaljen i NM. Han kom ikkje med til OL i Oslo 1952, men viste si klasse då han slo til med 127 meter, hans lengste hopp nokon gong, og vart bestemann under eit kvalifikasjonsrenn i Oberstdorf 27. februar 1952.

Tida rundt Bjørnstads gjennombrot var ei brytningstid i internasjonal hoppsport. Bjørnstad prøvde nye teknikkar. Mellom anna prøvde han ut ein ny type sats som seinare vart kalla «fartssats».

Besteplasseringar i internasjonale meisterskap og renn[endre | endre wikiteksten]

  • 1948: Nr 6 i Holmenkollen
  • 1950: Verdsmeister i Lake Placid. Nr 2 i Holmenkollen
  • 1951: Nr 7 i Holmenkollen
  • 1952: Nr 6 i Holmenkollen

Medaljar og besteplasseringar i noregsmeisterskap[endre | endre wikiteksten]

Kjelder[endre | endre wikiteksten]

  • Bokmålswikipedia