Arnfinn Bergmann

Frå Wikipedia – det frie oppslagsverket
Jump to navigation Jump to search
Arnfinn Bergmann
Arnfinn Bergmann 2cr.jpg
Fødd 14. oktober 1928
Trondheim
Død

13. februar 2011
Trondheim

Arnfinn Bergmann på Commons

Arnfinn Bergmann (14. oktober 192813. februar 2011)[1] var ein norsk skihoppar og lærar frå Trondheim. Bergmann vann gullmedaljen i hopprennet under dei olympiske vinterleikane i 1952, føre landsmannen Torbjørn Falkanger. Han er den einaste hopparen som i same sesongen har vunne både olympisk gull, noregsmeisterskapen og Holmenkollrennet. Bergmann var medlem av Sportsklubben Freidig og seinare av Ski- og fotballklubben Lyn i Oslo.

Aktiv[endre | endre wikiteksten]

Bergmann slo gjennom i 1949-sesongen då han kom han tredjeplass under noregsmeisterskapen, ein annan ny storhoppar, Torbjørn Falkanger, vart klar vinnar. Året etter kom han med i den norske VM-troppen, og vann bronsemedaljen under Ski-VM i 1950 i Lake Placid. Landsmannen Hans Bjørnstad sørgde for norsk VM-siger. 1952-sesongen vann han i rekkefølgje NM-gull, OL-gull og hopprennet i Holmenkollen, det siste eit nesten reint norsk stemne. Både under noregsmeisterskapen og i olympiaden viste han Torbjørn Falkanger til sølvplass.

Bergmann vart noregsmeister også i 1953 og 1958. I 1953 vart Arne Ellingsen utropt til meister, men etter finrekning vart Bergmann erklært vinnar med 0,1 poengs forsprang. Sitt tredje og siste NM-gull vann han i ei jamn tevling, Sverre Stenersen og Kjell Kopstad kom på dei andre medaljeplassane. Bergmann fekk bronsemedalje under meisterskapane i 1955, 1957 og 1959.

I 1953 vann han den italienske hoppveka, og i 1955 den sveitsiske hoppveka. Han deltok i den tysk-austerrikske hoppveka 1953/54, der han samanlagt vart nummer fem. I to av renna kom han på pallen, utan å gå heilt til topps.

Besteplasseringar i internasjonale meisterskap og renn[endre | endre wikiteksten]

  • 1952: Vinnar i Holmenkollen
  • 1953: Nr 8 i Holmenkollen, vinnar av den italienske hoppveka
  • 1954: Nr 2 i Bischofshofen og nr 3 i Innsbruck
  • 1955: Vinnar av den sveitsiske hoppveka
  • 1956: Nr 13 i Holmenkollen
  • 1957: Nr 7 i Holmenkollen
  • 1958: Nr 12 i Holmenkollen

Medaljar og besteplasseringar i noregsmeisterskap[endre | endre wikiteksten]

Arnfinn Bergmann fekk Holmenkollmedaljen i 1956.

Lærar[endre | endre wikiteksten]

Bergmann arbeidde om lag 30 år som lærar i Oslo og Bærum, lengst ved Hosletoppen skule, der han var i 25 år. Som pensjonist busette han seg atter i Trondheim. Der var han med i arbeidet med å utvikle skimuseet på Trøndelag Folkemuseum på Sverresborg.

Notar[endre | endre wikiteksten]

Bakgrunnsstoff[endre | endre wikiteksten]