Herman Smitt Ingebretsen

Frå Wikipedia – det frie oppslagsverket
Hopp til navigering Hopp til søk
Herman Smitt Ingebretsen
Fødd 6. mars 1891
Død

13. november 1961

Herman Smitt Ingebretsen på Commons

Herman Smitt Ingebretsen (6. mars 189113. november 1961) var ein norsk pressemann og Høgre-politikar frå Kristiansand.

Ingebretsen var son til ein handelsagent. Etter han tok studenteksamen i 1911 studerte han soisaløkonomi ved Universitetet i Oslo. Samstundes fekk han arbeid som journalist i Morgenbladet. Han flytta i 1916 over i redaksjonen til Aftenposten, også det ei hovudstadsavis. Frå 1919 var han avisredaktør fleire stade; fyrst 1919-20 i Fremskridt i Skien, dernest 1920-24 i Christiandsands Tidende og 1924-36 i Stavangeren.

Han var generalsekretær i Høgre perioden 1936 til 1940. Krigsåra 1940-44 var han medarbeidar i Morgenbladet, til han 1944-45 var sjef for det norske militære sitt pressekontor i London. Etter verdskrigen var over i 1945 var han i tre år redaktør i Morgenbladet. Frå 1949 til 1961 var han sjefredaktør i Aftenposten.

Herman Smitt Ingebretsen på Stortinget i 1954 (midt i biletet, med lyst hår).
Foto: Billedbladet NÅ/Arkivverket

Ingebretsen var medlem i Høgre sitt sentralstyre i to periodar, 1934-39 og 1950-61. I 1945 vart han vald til stortingsrepresentant frå Akershus. Sidan vart han vald til representant frå Oslo i to periodar, 1950-53 og 1954-57. På tinget var han medlem i Sosialkomiteen 1945-49 og i Kyrkje- og undervisninsgkomiteen 1950-57, frå 1954 som formann i komiteen. Smitt Ingebretsen, som han vanlegvis vart kalla, var parlamentarisk leiar for Høgre i 1948-sesjonen, og nestleiar i resten av 1945-49-perioden.

Kjelder[endre | endre wikiteksten]