Hever Castle

Frå Wikipedia – det frie oppslagsverket
Hopp til navigering Hopp til søk

Koordinatar: 51°11′6.5544″N 0°7′11.968″E

Hever Castle
Hever Castle.jpg
Arkitektanonym

Hever Castle
51°11′13″ N 0°6′50″ E

Hever Castle er eit slott i landsbyen Hever i Kent sør i England. Det var sete for slekta Boleyn.

Bygningen var opphavleg eit gardshus frå 1200-talet. I 1462 blei det bygd om til ein forskansa herregard av Geoffrey Boleyn, som var Lord Mayor of London. Restane av tømmerbygningen er enno synlege innanfor steinveggene.

Ein gong etter 1505 flytta Boleynfamilien inn. Anne Boleyn og syskena hennar Mary og George var her i delar av oppveksten, medan far til Anne, Thomas Boleyn, 1. jarl av Wiltshire, blei fødd og gravlagt der.

Portbygningen til Hever Castle i 2005.
Foto: James Armitage

I 1536 blei Anne og George Boleyn avretta, og då faren døydde i 1539 gjekk slottet til krona. Kong Henrik VIII gav det til Anna av Kleve då han blei skild frå henne i 1540, men det ser ikkje ut til at ho var der så mykje.

Slottet har sidan hatt fleire eigarar. Blant anna er Waldegravefamilien nemnd i 1557, og Meade Waldo-familien frå 1749 til 1903. I sistnemnde periode forfall slottet stadig meir, og eigarane byrja å leiga det ut. I 1903 blei det kjøpt av den amerikanske millionæren William Waldorf Astor, som fekk det fullstendig restaurert og brukte det som familieresidens.

Eigedomen er no gjort om til konferansesenter. Slottet er ope for publikum, og er spesielt kjent for labyrintane i hageanlegget og for ei omfattande samling av torturinstrument. Den einaste delen som er i opphavleg stand er portbygningen.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Hever Castle