Hjerleid skole og håndverkssenter
61°58′57.0″N 9°14′34.4″E / 61.982500°N 9.242889°E
Hjerleid skole og handverksenter, tidlegare kalla Hjerleids Husfidsskole og anna er eit kultursenter og ein friskule på Dovre i Innlandet fylke som mellom anna gjev opplæring i treskjering, smiing og andre tradisjonshandverk. Senteret omfattar Handverksskolen, som gjev utdanning for treskjerarar, Senter for bygdekultur, som er eit kurs- og kompetansesenter innan tre og handverk, Dovre Handverksenter og fleire små, sjølvstendige bedrifter. Eigarane er stiftinga Norsk Kulturarv og Studieforbundet kultur og tradisjon.
Historie[endre | endre wikiteksten]
Hjerleidske hudflidskole vart grunnlagt under namnet «Håndgjerningsskole for gutter» av målarmeister Halldor Hjerleid (1821–1888) og kona Randine i 1886.[1] Skulen utdanna snikkarar, skomakarar og etter kvart òg fleire andre handverkarar. Samme år som skulen starta opp, hadde Kunstindustrimuseet i Kristiania oppretta treskjerarskule på Lesja med Hans Larsen Lindsø (1843–1925) som lærar.[2] Treskjerarskulen flytta året etter til Dovre, og dei to skulane vart formelt slegne saman i 1903[3] med Lindsø som lærar i treskjering.[2] Husflidsskulen fekk ny skulebygning i 1929, vart yrkesskule frå 1948 og vidare bygd ut på 1950-talet.[4] Undervisninga heldt på frå 1930 til 1970 då alt vart flytt til det som seinare vart kalla Hjerleid vidaregåande skule.
Hjerleidutstillinga var ei årleg elevutstilling som fyrste gong vart arrangert i 1903.[5][6]
Skulen var samlokalisert med Nord-Gudbrandsdal vidaregåande skule inntil hausten 2015, då den offentlege vidaregåande opplæringa på Hjerleid vart flytt til Dombås.[7]
Frimerkedesignaren Sverre Morken var treskjerarelev ved Hjerleid før han byrja på bokkunstlinja ved Statens handverks- og kunstindustriskule. Også dyreskulptøren Bjørn Sørvang Hansen har utdanning frå skulen.
Kjelder[endre | endre wikiteksten]
- Denne artikkelen bygger på «Hjerleid skole og håndverkssenter» frå Wikipedia på bokmål, den 26. april 2020.
- ↑ Norsk biografisk leksikon om Haldor Hjerleid
- ↑ 2,0 2,1 Store norske leksikon om Halldor Hjerleid (fri gjenbruk av tekst)
- ↑ lokalhistoriewiki.no om Hjerleid skole og håndverksenter
- ↑ Søkbr digitalkopi av 50 år : Fylkesyrkesskolen på Dovre : Fylkesyrkesskulen og Hjerleids husflidskule : Hjerleid vidaregåande skole (1998)
- ↑ lokalhistoriewiki.no om Hjerleidutstillinga
- ↑ Hjerleidutstillinga 2012, arkivert frå originalen 28. september 2015, henta 26. april 2020
- ↑ NRK Hedmark og Oppland 2013: Flytter videregående skole fra Hjerleid til Dombås