Hot Eyes
| Hot Eyes | |||
 | |||
| Aktiv | 1983– | ||
|---|---|---|---|
| Sjanger | pop | ||
Hot Eyes, i Danmark kjend som Kirsten og Søren, var ein dansk popduo som bestod av Kirsten Siggaard Andersen og Søren Bundgaard. Kirsten og Søren deltok i Dansk Melodi Grand Prix fem gongar i 1980-åra, og har representert Danmark i Eurovision Song Contest tre gongar: 1984, 1985 og 1988.
Duoen byrja samarbeidet sitt i byrjinga av 1970-åra, då bandet Pussycats tok Siggaard opp som medlem. Bandet skifta namn til Hokus Pokus,[1] og seinare til Sir Henry and his Butlers. Bandet deltok i Dansk Melodi Grand Prix i 1983 med melodien «Og livet går».[2] Seinare forlet Søren Bundgaard Sir Henry and his Butlers for å fortsetje samarbeidet med Kirsten Siggaard.
Eurovision Song Contest[endre | endre wikiteksten]
I 1984 representerte Hot Eyes Danmark i Eurovision Song Contest med poplåten «Det' lige det». Melodien kom på fjerdeplass, den beste plasseringa til Danmark sidan sigeren i 1963.[3] Siggaard var gravid med den fyrste sonen sin då ho opptredde i finalen.
I 1985 følgde duoen opp med «Sku' du spørg' fra no'en», der den ni år gamle dottera til Bundgaard, Lea, hadde ei sentral rolle under framføringa av låten.[4] Då Hot Eyes representerte Danmark for tredje gong i Eurovision Song Contest i 1988, var Siggaard 8 måneder og 29 dager på veg med den andre sonen sin,[5] som blei fødd tre veker etter tevlinga. Duoen kom på tredjeplass, som var den nest beste plasseringa til Danmark til då.
| År | Melodi | Poeng[3] | Plassering[3] |
|---|---|---|---|
 1984 |
«Det' lige det» | 101 | 4 |
 1985 |
«Sku' du spørg' fra no'en» | 41 | 11 |
 1988 |
«Ka' du se hva' jeg sa'» | 92 | 3 |
I tillegg deltok Hot Eyes i Dansk Melodi Grand Prix i 1986 med «Sig det som det er», og i 1987 med «Farvel og tak».[6]
Hot Eyes blei offisielt oppløyst i 1990, men allerie etter ein turné i 1989 blei samarbeidet mellom duoen avslutta.[7]
Diskografi[endre | endre wikiteksten]
Musikkalbum gjevne ut av Hot Eyes:[8]
- 1984: Hot Eyes, gjeve ut på EMI.
- 1985: Sku' du spørg' fra no'en, gjeve ut på EMI.
- 1988: 3, gjeve ut på EMI.
- 1988: Ka' du se hva' jeg sa', gjeve ut på Harlekin.
Referansar[endre | endre wikiteksten]
- ↑ Bregning.it, Hokus Pokus. Besøkt 20. august 2014. (da)
- ↑ Eurovision-fr.net, Finale nationale Eurovision Danemark 1983. Besøkt 20. august. 2014.
- ↑ 3,0 3,1 3,2 Eurovision.tv, Denmark. Besøkt 20. august 2014.
- ↑ The Diggiloo Trush, Denmark - 1985. Besøkt 20. august 2014.
- ↑ Jostein Pedersen, Historien om Melodi grand prix. Bladkompaniet, Oslo 1996. Side 74.
- ↑ DR.dk, Dansk Melodi Grand Prix 1957-2013. Besøkt 20. august 2014. (da)
- ↑ Søk i danskefilm.dk. Søren Bundgaard. Besøkt 20. august 2014. (da)
- ↑ Discogs.com, Kirsten & Søren. Besøkt 20. august 2014.
- Denne artikkelen bygger på «Hot Eyes» frå Wikipedia på bokmål, den 23. desember 2023.