Ivan Skobrev

Frå Wikipedia – det frie oppslagsverket
Ivan Skobrev

2013 WSDC Sochi - Ivan Skobrev.JPG

Statsborgarskap Russland
Fødd 8. februar 1983 (39 år)
Khabarovsk
Idrett lengdeløp på skeiser
Tok del i

Vinter-OL 2006, Vinter-OL 2010, Vinter-OL 2014, Hurtigløp på skøyter under Vinter-OL 2010 – 5000 meter herrer, Hurtigløp på skøyter under Vinter-OL 2010 – 10000 meter herrer

Utmerkingar

Fedrelandets fortjenstordens medalje av 1. klasse

Ivan Aleksandrovitsj Skobrev (fødd 8. februar 1983) er ein russisk tidlegare skeiseløpar frå Vologda. Han vart i 2011 både europameister og verdsmeister i firkamp.

Skobrev vart femtemann både under EM 2004 og 2006. Under Vinter-OL 2006 i Torino enda han på sjetteplass både på 1500 m og på 10 000 meter. I 2007 og 2008 vart han for tredje og fjerde gong nummer fem i skeise-EM. Vinteren 2009 kleiv han ein plass opp då EM 2009 vart avvikla i Heerenveen.

I EM 2010 på Hamar lukkast Skobrev endeleg å kome på pallen i ein europameisterskap, einast vinnaren Sven Kramer frå Nederland og italienske Enrico Fabris presterte betre gjennom meisterskapen. Under Vinter-OL 2010 i Vancouver vann han sølvmedaljen i milløpet, bronsemedaljen på 5 000 meter og vart nummer fire på 1500 m.

Vinteren 2011 sikra Skobrev seg laurbærkransen både då EM fann stad i italienske Collalbo og under VM i Calgary. I Collalbo sigra han etter eit jamn oppgjer mot Jan Blokhuijsen, og i Calgary hadde han sterkast konkurranse frå norske Håvard Bøkko.

I tida 2007-13 plukka Skobrev ein sølvmedalje og seks bronsar i ulike øvingar ved VM i enkeltløp. Han avslutta idrettskarrieren under Vinter-OL 2014 i Sotsji, der sjuandeplassen på 5 000 meter var hans fremste prestasjon.

Kjelder[endre | endre wikiteksten]