Jack Berntsen

Frå Wikipedia – det frie oppslagsverket
Hopp til navigering Hopp til søk
Jack Berntsen
Fødd 14. oktober 1940
Død

5. oktober 2010

Yrke språkforskar, songar, låtskrivar

Joakim Jan Aril (Jack) Berntsen (fødd 14. oktober 1940 i Kjøpsvik, død 5. oktober 2010) var ein norsk filolog og visesongar, kjend for ei rekke utgjevingar og visebøker.

Han voks opp i Tverråsen i Skilvassbakk på Hamarøy, var tidleg aktiv i dansebandmiljøet, vart utdanna cand.mag. i filologi ved Universitetet i Oslo (1963-68), og arbeidde seinare som adjunkt ved Svolvær vidaregåande skole. Berntsen etablerte «Viseklubben Lovisa» i Svolvær (1968), og musikkfestivalen Troilltampen (1973).

Berntsen vart kjend gjennom debutplata Kor e hammaren Edvard? (EP, 1974) med tekst frå Jahn-Arill Skogholts opphavlege Bygdevise. Deretter kom Med hammar og høtt (1976), Det e håp i hænganes snøre (1978), Ongan i Lofoten (1981), I ly av Lofotveggen (1984), Lille Bolla Bølla og andre boller (1986), Badestrandsballade (EP, 1986), Bussjåfør (EP, 1986), Nordover (1990), The best of J.B.; med røde rose (1996) og Det gode liv (1999).

Berntsen gav ut visebøkene Det e lys lenger frem (Nordnorsk Forfatterlag, 1976), Sol bakom skyan (Oktober forlag, 1979/87), Ongan i Lofoten (Oktober forlag, 1981), Lille Bolla Bølla (S-forlaget, 1986) og Sanga i søkk og kav (Samlaget, 1995). Han bidrog også til teatermanuset Jacks eventyrverden for Hålogaland Teater (2003), er representert i fleire antologiar som Circum Polaris (1997), og Band tel ei bygd (2004). Han laga barneprogram for NRK TV (Da TV'n gikk i stykker 1985; Under Lofotveggen 1995), og låten «Vi sei NEI NEI NEI« i samband med EU-valet (1994).

I 2007 blei Jack Berntsen tildelt statens stipend for eldre fortente kunstnarar som ei påskjønning for mangeårig og verdifull innsats.

Berntsen døydde i Svolvær i 2010.

Visegruppa Lovisa[endre | endre wikiteksten]

Prisar[endre | endre wikiteksten]

Diskografi[endre | endre wikiteksten]

Litteratur[endre | endre wikiteksten]

Bakgrunnsstoff[endre | endre wikiteksten]