Karender O. Dieseth

Frå Wikipedia – det frie oppslagsverket
Hopp til navigering Hopp til søk
Karender O. Dieseth
Fødd 10. juni 1846
Åmot
Død

2. juni 1915
Frogn

Yrke politikar, lærar, bonde

Karender Olsen Dieseth (10. juni 18462. juni 1915) var ein lærar, gardbrukar, agent og stortingsmann frå Åmot i Hedmark. På tinget høyrde han til dei meir radikale Venstre-representantane.

Dieseth var son til ein husmann. Sjølv tok han eksamen ved lærarskule i 1868. Deretter var han lærar i Frogn fram til 1875, dei neste sju åra var han lærar og kyrkjesongar i Nordby sokn i Ås. Han kjøpte gard i Ås i 1881, ein gard som han dreiv i ti år. Sidan budde han i Kristiania der han livnærte seg som agent ved sal av eigedommar.

Dieseth var medlem av heradsstyret i Ås 1876-88, og av Kristiania bystyre 1895-1901. Han var formann i 'Akershus folkevæbningssamlag'. Perioden 1883-85 var han fyrste varamann (suppleant) til Stortinget frå Akershus. Då Johan Sverdrup vart statsminister i juni 1884, rykte Dieseth inn på hans plass frå 27. juni 1884. Den neste valbolken, 1886-88, var han 1. representant frå amtet. Han var heile tida, 1884-88, medlem av protokollkomiteen.

Kjelder[endre | endre wikiteksten]