Kevin Sheedy

Frå Wikipedia – det frie oppslagsverket
Hopp til navigering Hopp til søk
Kevin Sheedy
Personleg informasjon
Fullt namn Kevin Mark Sheedy
Fødselsdato 21. oktober 1959 (59 år)
Fødestad Builth Wells i Wales
Høgd 175 cm
Posisjon Midtbanespelar
Seniorkarriere*
År Lag Kampar (Mål)
1975-1978 Hereford United 51 (4)
1978-1982 Liverpool 3 (0)
1982-1992 Everton 274 (84)
1992-1993 Newcastle 37 (4)
1993-1994 Blackpool FC 26 (1)
Totalt 391 (76)
Landslag
1984-1993 Irland 46 (9)
* Seniorklubbkampar og mål berre telt for nasjonal liga

Kevin Mark Sheedy (fødd 21. oktober 1959) er ein irsk tidlegare fotballspelar frå Builth Wells i Wales som hadde stor suksess med Everton FC i 1980-åra.

Karriere[endre | endre wikiteksten]

Klubbspel[endre | endre wikiteksten]

Midtbanespelaren Sheedy fekk sin ligadebut med 4. divisjonslaget Hereford United våren 1976. Vel to år seinare vart han overført til Liverpool FC, der han ikkje lukkast å spele seg inn på laget. Vinteren 1982 flytta han over til byrivalen Everton FC, mot 100 000 pund. I mai 1984 vann han sitt fyrste trofe med klubben då det vart siger 2-0 over Watford FC i FA-cupfinalen, ein kamp Sheedy mista grunna skade. Sesongen etter var Everton heile suverene i kampen om ligameisterskapen, slo toaren Liverpool FC med heile 13 poeng. Everton tok seg også til finalen i cupvinnarcupen, der Sheedy den 15. mai i Rotterdam fastsette sluttresultatet til 3-1 mot Rapid Wien. Sesongen 1986/87 tok Everton FC ein ny ligatittel framom byrival Liverpool FC, då med 9 poengs skilnad. Etter ytterlegare fem sesongar i Everton melde Sheedy i 1992 overgang til Newcastle United, ein klubb han hjelpte til opprykk i 1993. Han var så profesjonell på nivå 3 for Blackpool i 1993/94 før han gav seg med aktiv fotball.

Landslagsspel[endre | endre wikiteksten]

I tida oktober 1983 til februar 1993 deltok Sheedy i 46 landskampar for Irland. Under europameisterskapen 1988 i Vest-Tyskland fekk han speletid i alle dei tre kampane til det irske laget. To år seinare var han med i alle Irlands fem kampar ved VM i fotball 1990, ein meisterskap der han vart historisk då han i landets aller fyrste VM-kamp utlikna til 1-1 mot England. Irland rauk elles ut i kvartfinalen mot arrangørlandet Italia etter tap 0-1. Sheedy skåra ni landslagsmål.

Merittar[endre | endre wikiteksten]

  • Vinnar av cupvinnarcupen: 1985 med Everton FC
  • Engelsk ligameister: 1985 og 1987 med Everton FC
  • Engelsk cupmeister: 1984 med Everton FC

Kjelder[endre | endre wikiteksten]