Knut Bjørnsen

Frå Wikipedia – det frie oppslagsverket
Hopp til navigering Hopp til søk
Knut Bjørnsen
Knut Bjørnsen.jpg
Fødd 26. juli 1932
Oslo
Død

14. november 2008
Svelvik

Yrke journalist, skribent, skøyteløpar
Organisasjon Norsk rikskringkasting, TV3, VG
Prisar Lytterprisen, Idrettsgallaens hederspris
Knut Bjørnsen på Commons

Knut Bjørnsen (26. juli 193214. november 2008) var ein norsk sportsjournalist, forfattar og programleiar.

Liv og virke[endre | endre wikiteksten]

Bjørnsen var fødd i Oslo, der han voks opp på Grünerløkka i ein idrettsinteressert familie. Som ung var Bjørnsen ein lovande skøyteløpar som mellom anna vann junior-NM i 1951.[1]

Han byrja sin journalistiske karriere som sekstenåring i bladet Sportsmannen, der han blei kjend med redaktøren Per Jorsett som han skulle ha eit omfattande samarbeid med.[2] I 1953 blei han tilsett Verdens Gang, og var der fram til han i 1961 blei tilsett i NRK. Knutsen blei verande i statskanalen i 30 år, som sportskommentator og programleiar. Knutsen kommenterte særleg meisterskap på skøyter og friidrett for radio og fjernsyn, ofte saman med Per Jorsett. For dette fekk dei to Idrettsgallaens hederspris i 2004. Bjørnsen fekk òg Norsk Lytterforenings ærespris i 1982. Som programleiar leidde Knut Bjørnsen spørjeprogrammet Kvitt eller dobbelt frå 1966 til og med 1994. I 1970 leidde han også spørjeprogrammet Avspark. Han var seinare programleiar for Lykkehjulet og ØnskebrønnenTV3. Bjørnsen presenterte òg ulike produkt i fjernsynsreklame, som på TV-shop. Bjørnsen spelte seg sjølv i to episodar av Karl & CoTV 2. Han var dommar i Isdans på TV 2 i 2007.

Gjennom karriera si gav Bjørnsen også ut fleire bøker innan ulike sjangrar, særleg om idrett. Han var redaktør for den offisielle boka etter OL på Lillehammer i 1994.

Bjørnsnen var gift to gonger, frå 1957 med Bjørg Agnete Johansen som døydde i 1983, og frå 1986 med Karin Löfblad. Han hadde to born frå det første ekteskapet. Dei siste åra av livet sitt var han busett i Svelvik.

Verkliste[endre | endre wikiteksten]

  • 13 år med Kuppern & Co, 1963
  • Skøytesportens tall 1964 (med Per Jorsett), 1964
  • Små stopp i stor verden, 1966
  • Fred A. Maier forteller til Knut Bjørnsen, 1968
  • Helst mot urolig vær, 1969
  • Skøytesportens stjerner (med Per Jorsett), 1971
  • Kvitt eller trøbbel. 1000 spørsmål og svar, 1988
  • Dans! Dans! Eventyret om norske sportsdansere, 1990
  • 100 år på glattisen. 30 år bak mikrofonen, 1992
  • 70 år med vinter-OL, 1993
  • Den offisielle boken fra de XVII Olympiske vinterleker, Lillehammer 1994, 1994
  • Store norske sportsbragder i 1000 år (med Per Jorsett), 1995
  • Jakten på "Najaden" : norsk-engelsk drama på Lyngør havn, 2002
  • Gylne øyeblikk, 1999
  • Idrettshelter fra Buskerud (red. med Per Jorsett), 2005
  • Bislet blues (med Kjell Kristian Rike), 2008

Kjelder[endre | endre wikiteksten]

  1. «Knut Bjørnsen er død» på nrk.no, besøkt 16. november 2008
  2. «Knut Bjørnsen er død» i dt.no