Lakris

Frå Wikipedia – det frie oppslagsverket
Hopp til navigering Hopp til søk
Lakrissnøre, eit godteri laga med lakris.
Engelsk konfekt eller lakriskonfekt, her av merket Bassett's liquorice Allsorts.

Lakris (extractum glycyrrhiza) er eit svart eller brunt etande stoff som ein trekk ut frå rota av lakrisplanten. Namnet kjem av det greske glykyrrhiza som tyder «søt rot».[1]

Lakris blir brukt både som smaksstoff, særleg i godteri, men òg i til dømes snus, og ifølgje Felleskatalogen som slimløysande substans i naturlækjemiddel tradisjonelt brukt i folkemedisinen ved forbigåande hoste og katarr i øvre luftvegar. Lakrismikstur (mixtura solvens) kan nyttast ved forkjøling og lakrisrotpulver (lakrispulver) som mildt avføringsmiddel.

Salmiakklakris er ein smaksvariant som blir brukt i godteri.

Lakrisprodukt utforma på ulike måtar kan ha namn som lakrisbåt, (t.d. Skipper Lakrisbåtar) lakrissnor eller lakrispipe.

Lakris-forgifting[endre | endre wikiteksten]

Lakrisrotekstrakt blir brukt for å handsama mageproblem og anna. På den andre side kan dei som et mykje lakris ofte, bli forgifta og få problem med hjartet.[2][3][4] Ved slikt inntak kan ein få meir av stresshormonet kortisol i blodet, noko som gjev høgt blodtrykk og hovudverk. Forgifting kan òg gje muskelveikskap, kvalme og alvorlege forstyrringa i hjarterytmen på grunn av kaliummagel. Store mengder som blir sett til livs ved einskildtilfelle fører berre til diaré. Lakris kan òg senka testosteronnivået.[5]

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Lakris