Msta

Msta
elv
Msta-stryka
Land	Russland
Nedslagsfelt	23 300 km²
Lengd	445 km
Middelvassføring	200 m³/s
Kjelde	Mstino
Munning	Ilmen
Msta 58.415555555556°N 31.338333333333°E / 58.415555555556; 31.338333333333
Wikimedia Commons: Msta River

Msta (russisk Мста) er ei elv i Tver og Novgorod oblast i Russland. Elva er 445 km lang og har eit nedslagsfelt på 23 300 km². Elva har ei middelvassføring på 200 m³/s.

Elva spring ut frå innsjøen Mstino i Valdajhøgdene nord for byen Vysjnij Volotsjok, og munnar ut i innsjøen Ilmen.

Msta var lenge ein del av ein viktig vassveg for handelen mellom Austersjøen og det sentralrussiske innlandet. Men med bygginga av Volga-Austersjø-kanalen og jernbanen mellom Moskva og St. Petersburg på 1800-talet forsvann òg handelstrafikken over Msta. Den største byen langs Msta er Borovitsji.

Msta er kjend for stryka på ein 30 km lang strekning mellom Opetsjenskij Posad og Borovitsji, og er ei populær raftingrute. Då vassvegen over Msta var i drift var losing av handelsbåter gjennom stryka ei viktig inntektskjelde for innbyggjarane i Borovitsji.

Dei viktigaste sideelvene til Msta er Berezajka og Uver.

Kjelder

• Denne artikkelen bygger på «Msta» frå Wikipedia på bokmål, den 31. oktober 2008.