Nesøya-ulukka

Frå Wikipedia – det frie oppslagsverket
Hopp til navigering Hopp til søk
Ein Viscount av same type

Nesøya-ulukka var ei flyulukke i nærleiken av eit bustadområde på Nesøya i Asker kommune 14. april 1963 klokka 13:18. Flyet hadde åtte passasjerar og eit mannskap på fire. Alle 12 omkom.[1] Ingen på bakken vart skadd.

Flyet var eit Vickers Viscount 759D-fly frå Icelandair, Flugfélag Íslands, TF-ISU, «Hrimfaxi». Det var på veg frå Kastrup i rute til Reykjavík via Oslo og Bergen, og var under innflyging til Oslo lufthamn, Fornebu, då ulukka skjedde.

Årsaka til havariet[endre | endre wikiteksten]

Havarikommisjonen var ikkje i stand til å kunne stadfesta kva som var årsaka til ulukka. Ein gjekk ut frå at kapteinen mista kontrollen over flyet i så låg høgd under innflyginga til Fornebu at det ikkje lét seg gjera å korrigera høgda. Kommisjonen meinte at det kunne ha danna seg is på stabilisatorrora, eller at propellane hadde vorte stilt inn på lågaste stigingsvinkel.[2] Av dei to hypotesane meinte kommisjonen at den siste hypotesen var svakt meir sannsynleg enn den første.

Kjelder[endre | endre wikiteksten]

Referansar
  1. «Tolv omkom da islandsk fly styret på Nesøya». Aftenposten morgen. 104. årgang: 1 og 8. 16. april 1963. 
  2. «Isdannelse eller "flatstilling" årsak til flyhavariet på Nesøya». Aftenposten morgen. 105. årgang: 9. 26. juni 1964.