Norsk senter for folkemusikk og folkedans
| Norsk senter for folkemusikk og folkedans | |||
| Type | stiftelse | ||
|---|---|---|---|
| Org.nummer | 975372677 | ||
| Skipa | 22. desember 1992 | ||
| Hovudkontor | Trondheim kommune | ||
| Nettstad | http://www.folkemusikkogfolkedans.no/  | ||
Norsk senter for folkemusikk og folkedans (Sff), tidlegare Rff-senteret, er ei norsk stifting som arbeider for å fremma, verna og vidareføre norske folkemusikk- og folkedanstradisjonar.[1] Norsk senter for folkemusikk og folkedans er eit leiande kompetansesenter, og er også akkreditert som rådgivande organisasjon for UNESCO på vern og ivaretaking av immateriell kulturarv.[2] Det sjølvstendige arbeidet på senteret omfattar mellom anna innsamling, arkivdrift, forsking, formidling og tenesteytingar. Senteret held til på Dragvoll idrettssenter i Trondheim.
Arbeidsområde
[endre | endre wikiteksten]Dei fagtilsette ved Norsk senter for folkemusikk og folkedans driv med arkivarbeid, forsking, formidling og prosjektarbeid.[2]
Støtteordningar
[endre | endre wikiteksten]Norsk senter for folkemusikk og folkedans driv to støtteordningar som tar i mot søknader om økonomisk støtte til enkeltpersonar, føretak, offentlege og private organisasjonar, utøvarar og andre. Prosjekt eller aktivitetar som bidrar til å fremma og vidareføre norske folkemusikk- og/eller folkedanstradisjonar kan få stønad. Det blir delt ut to «Prosjektmiddel» to gongar i året, medan «Små og raske middel» blir delt ut ca. ein gang i månaden, sett bort frå i sommarmånadene.[3]
Undervisning og samarbeid
[endre | endre wikiteksten]- Senteret samarbeider med Institutt for musikkvitenskap ved NTNU, og tilbyr mellom anna studentane til instituttet omvising i arkivet og rettleiing i oppgåveskriving.[4]
- Sidan 2012 har senteret hatt ei aktiv rolle som associated partner for masterprogrammet «Choreomundus – International master in Dance Knowledge, Practice, and Heritage», som er eit Erasmus mundus-program tilknytta NTNU. Masterprogrammet undersøker dans og andre bevegelsessystem som immateriell kulturarv, og er eit samarbeid mellom NTNU, Trondheim; Université de Clermont Auvergne, Frankrike; Universitetet i Szeged, Ungarn; og University of Roehampton, Storbritannia. Dei fire universiteta er alle er internasjonalt anerkjent for arbeidet sitt innan utvikling av innovative læreplanar for analyse av dans og annan bevegelsespraksis.[4]
- I 2020 inngjekk Norsk senter for folkemusikk og folkedans ein samarbeidsavtale med Institutt for tradisjonskunst og folkemusikk ved Universitetet i Søraust-Noreg, avdeling Rauland, der kompetansen på senteret i etnokoreologi, danseanalyse og arkivformidling er viktige bidrag. Norsk senter for folkemusikk og folkedans rettleiar studentar på bachelor- og masternivå i arkivstoff og arkivanalyse.[4]
Kjelder
[endre | endre wikiteksten]- ↑ «Norsk senter for folkemusikk og folkedans» (på norsk). Henta 25. mars 2022.
- 1 2 «Om Norsk senter for folkemusikk og folkedans» (på norsk). Henta 25. mars 2022.
- ↑ «Prosjektmidler» (på norsk). Henta 25. mars 2022.
- 1 2 3 «Undervisning» (på norsk). Henta 25. mars 2022.
- Denne artikkelen bygger på «Norsk senter for folkemusikk og folkedans» frå Wikipedia på bokmål, den 8. juni 2023.