Olav Olavsen

Olav Olavsen
Olav Olavsen Måla av: Jacob Munch
Statsborgarskap	Noreg
Fødd	25. desember 1753 Skagafjörður
Død	20. januar 1832 (78 år) Christiania
Yrke	arkitekt, politikar, jurist
Språk	norsk
Olav Olavsen på Commons

Olav Olavsen (25. desember 1753–20. januar 1832) islandsk: Ólafur Ólafsson, var ein islandsk-norsk arkitekt, jurist og stortingsmann.

Olavsen var fødd på Tverå i Skagafjördur syssel på Island. Han vart utskriven frå Holar skule i 1773 og same året tilsett på amtmannskontoret der. I 1777 byrja han å studere ved universitetet i København, vart cand. jur. i 1782. Ved sidan av universitetsstudiane gjekk han på Det Kongelige Danske Kunstakademi, der han i 1780 vann sølvmedaljar i bygningsklassa. Under opphaldet i København stifta han i 1779 det islandske litteraturselskapet. Fåfengt søkte han om den ledige stillinga på kunstakademiet eom lærar i geometri.

I 1784 fekk Olavsen stilling som teiknelærar og lektor i matematikk ved bergseminaret på Kongsberg. År 1787 vart han attåt lektor i lovkunne, med professortittel frå 1794. Bergseminaret vart nedlagt i 1814.

Olavsen var 1803-22 auksjonsforvaltar på Kongsberg.

På Stortinget 1818 representerte Olavsen Kongsberg. Han var medlem av elleve komitear, mellom dei var komiteen om odelslova, bergverkslova, filologisk eksamen og om Røros koparverk.

Han døydde i Kristiania i 1832.

Kjelder

• Lindstøl, Tallak (1914). «Olavsøn, Olav». Stortinget og statsraadet: 1814-1914. Vol. B. 1 D. 2 : Biografier L-Ø : samt tillæg. Kristiania: [Steen'ske bogtrykkeri]. s. 660.
• Fødselsdato frå NBL-artikkel om Olavsen, skriven av Einar Sørensen.
• Biografisk informasjon om Olav Olavsen ved PolSys hos Sikt – Kunnskapssektorens tjenesteleverandør