Oto Nemsadze
| Oto Nemsadze | |||
 | |||
| Fødd | 18. juni 1989 (37 år) | ||
|---|---|---|---|
| Fødestad | Gori | ||
| Fødenamn | ოთო ნემსაძე | ||
| Opphav | Georgia | ||
| Aktiv | 2010– | ||
| Sjanger | pop | ||
| Verka som | songar | ||
Otar Nemsadze (fødd 18. juni 1989) er ein georgisk songar. 3. mars 2019 vann han georgiske Idol og representerte Georgia i Eurovision Song Contest 2019 i Tel Aviv med songen «Sul tsin iare».[1]
Bakgrunn
[endre | endre wikiteksten]Nemsadze vart fødd i Gori i Georgia. Han vart kjend i Georgia i 2011, då han vann talenttevlinga Geostar, den georgiske versjonen av Idol. I 2013 nådde han ein andreplass i talentprogrammet Holos Krajiny, den ukrainske utgåva av The Voice.[1][2]
I 2017 deltok Nemsadze i den georgiske uttakinga til Eurovision Song Contest 2017 som del av gruppa Limbo. Gruppa enda på ein delt tiandeplass blant 25 deltakarar med songen «Dear God».[3]
I 2019 deltok Nemsadze på ny i georgisk Idol, og 3. mars 2019 vart han nok ein gong kåra til vinnar av georgisk Idol gjennom ei telefonavrøysting. 2019-utgåva av Idol fungerte òg som ein nasjonal finale til Eurovision Song Contest 2019 i Tel Aviv i Israel. I Idol-finalen framførte han den patriotiske rockeballaden «Sul tsin iare» ('gå på'), som òg var det georgiske bidraget i Eurovision Song Contest 2019.[2]
Kjelder
[endre | endre wikiteksten]- 1 2 «Georgia goes ahead with Oto Nemsadze for Eurovision 2019». EBU. 2019-03-03. Henta 2019-03-03.
- 1 2 «Oto Nemsadze wins Georgian Idol 2019 with the patriotic rock ballad "Sul Tsin Iare"» (på amerikansk engelsk). 2019-03-03. Henta 2019-03-03.
- ↑ «Poll results: Oto Nemsadze is your favorite to win Georgian Idol 2019» (på amerikansk engelsk). 2019-03-03. Henta 2019-03-03.
- Denne artikkelen bygger på «Oto Nemsadze» frå Wikipedia på bokmål, den 28. desember 2021.