Otto Leodolter

Otto Leodolter
Statsborgarskap	Austerrike
Fødd	18. mars 1936 Mariazell
Død	16. desember 2020 (84 år) Ried im Innkreis
Yrke	skihoppar

Otto Leodolter (fødd 18. mars 1936) er ein austerriksk, tidlegare skihoppar. Han vann den olympiske bronsemedaljen under vinterleikane i Squaw Valley i 1960. Både i 1961 og 1962 gjekk han til topps i hopprennet i Lahti.

Aktiv

Leodolters var aktiv skihoppar i ti sesongar, frå 1955 til 1964. Før 1958 vart han lite lagt merke til. På nyåret 1958 vart han derimot nummer fire i renn både i Innsbruck og i Bischofshofen, og vart samanlagt det året nummer seks i den tysk-austerrikske hoppveka. Same sluttplasseringa fekk han også i hoppveka 1958/59. Leodolter kom på så tredjeplass i hoppveka 1959/1960, året etter kom han på andreplassen, slått med 7,7 poeng av Helmut Recknagel frå Aust-Tyskland. Leodolter vann aldri noko hoppvekerenn, men var nummer to tre gongar; Innsbruck 1960, Bischofshofen 1960 og 1961.

Leodolter deltok i alle dei internasjonale skimeisterskapane frå 1956 til 1964. Han vart nummer 12 i Lahti 1958, og opplevde høgdepunktet då han fekk bronsemedaljen i det spesielle hopprennet under OL 1960 i Squaw Valley i California. Han vart dermed den fyrste austerrikaren som vann ein OL-medalje i øvinga. I ski-VM 1962 i Zakopane vart han nummer 15 og 16, medan han i Innsbruck i 1964 kom på 17. plassen i storbakken.

I 1961 delte Leodolter sigeren i Lahti-rennet med finske Veikko Kankkonen og Sovjets Koba Tsakadze. Året etter vann Leodolter på ny i Lahti, vel to poeng føre Antero Immonen frå Finland.

Bakgrunnsstoff

• (en) Otto Leodolter – Profil og resultatoversikt i olympiske konkurransar på sports-reference.com.

Kjelder

• Denne artikkelen bygger på «Otto Leodolter» frå Wikipedia på tysk, den 13. januar 2013.

• Sportsboken, aktuelle årgangar