Papuaugle

Frå Wikipedia – det frie oppslagsverket
Hopp til navigering Hopp til søk
Papuaugle
Papuaugle
Papuaugle
Status
Status i verda: LC Livskraftig
Systematikk
Rike: Dyr Animalia
Rekkje: Ryggstrengdyr Chordata
Underrekkje: Virveldyr Vertebrata
Klasse: Fuglar Aves
Orden: Ugler Strigiformes
Familie: Uglefamilien Strigidae
Slekt: Uroglaux
Art: Papuaugle U. dimorpha
Vitskapleg namn
Uroglaux dimorpha

Papuaugle (Uroglaux dimorpha) er den einaste arten i slekta Uroglaux og høyrer til i uglefamilien (Strigidae), der han er rekna som basal i underfamilien Ninoxinae (haukugler). Arta er endemisk for Ny-Guinea, inkludert øya Yapen.

Skildring[endre | endre wikiteksten]

Papuaugler er kjenneteikna av eit relativt lite hovud og lang stjert. Dei blir kring 30–33 cm lange. Ansiktsparabolen er kvitaktig med gule auge, innramma av kvite augebryn. Nebbet er blågrått og nebbrota guloransje. Fjørdrakten er rustbrun til brun med innslag av svart på oversida og bleik med mørkare spetter på undersida. Ekstremitetane er gule og klørne bleike.[1]

Utbreiing og habitat[endre | endre wikiteksten]

Arten trivst i tropisk regnskog og held til i låglandet, i høgder opp mot 1 500 moh. Ein veit svært lite om rørslene til arten, men reknar med at han er stadbunden.[1]

Kjelder[endre | endre wikiteksten]

  1. 1,0 1,1 Olsen, P.D. & Sharpe, C.J. (2016). Papuan Boobook (Uroglaux dimorpha). I: del Hoyo, J., Elliott, A., Sargatal, J., Christie, D.A. & de Juana, E. (red.). Handbook of the Birds of the World Alive. Lynx Edicions, Barcelona.