Pengeurt

Pengeurt
Pengeurt
Status
Status i Noreg: Livskraftig
Systematikk
Rike:	Planteriket Plantae
Rekkje:	Karplantar Tracheophyta
Underrekkje:	Frøplantar Spermatophytes
Orden:	Krossblomordenen Brassicales
Familie:	Krossblomfamilien Brassicaceae
Stamme:	Thlaspideae
Slekt:	Pengeurtslekta Thlaspi
Art:	Pengeurt T. arvense
Vitskapleg namn
Thlaspi arvense L., 1753

Pengeurt (Thlaspi arvense) er ein eittårig plante i krossblomfamilien.

Planten vert 10-50 cm høg, og har oftast ugreina, snau stengel utan bladrosett. Kronblada er kvite. Blada er tanna, grøngule med spisse bladøyro som sluttar seg om stengelen, og som visnar nedanfrå etterkvart som planten veks. Frøa mognar i talrike, 10-15 mm breie skulper, kvar med om lag ti frø.

Han veks som åkerugras og i vegkantar og sandstrender, i Noreg frå låglandet opp opp til 1050 moh. Han er sjeldnare lengst nord, men er funnen på Svalbard. Elles er han spreidd over store delar av verda.

Planten har sterk, laukaktig lukt som kan gje usmak på mjølka om kyrne et for mykje av han.

Pengeurt er ein kulturplante som har følgd jordbrukskulturen. Han kom til Noreg frå Europa for eit par tusen år sida. Opphavleg kom han truleg frå Sentral-Asia.

Kjelder[endre | endre wikiteksten]

Johannes Lid Norsk flora Det Norske Samlaget 2005 ISBN 82-521-6029-8
Knut Fægri: Norges planter Cappelens forlag 1960
C.A:M. Lideman Nordens Flora Gyldendal Norsk Forlag 1977 ISBN 82-05-08681-8

Bakgrunnsstoff[endre | endre wikiteksten]

(no) Pengeurt hos Artsdatabanken
(en) Pengeurt i Encyclopedia of Life
(en) Pengeurt i Global Biodiversity Information Facility
(sv) Pengeurt hos Dyntaxa
(en) Pengeurt hos ITIS
(en) Pengeurt hos NCBI
(en) Pengeurt hos The International Plant Names Index
(en) Pengeurt hos Tropicos
(en) Kategori:Thlaspi arvense – bilete, video eller lyd på Wikimedia Commons
(en) Thlaspi arvense – galleri av bilete, video eller lyd på Wikimedia Commons
Thlaspi arvense – detaljert informasjon på Wikispecies