Raudhovudvarslar

Frå Wikipedia – det frie oppslagsverket
Hopp til navigering Hopp til søk
Raudhovudvarslar

Status i verda: LC Livskraftig

Raudhovudvarslar Foto: Juan Emilio
Raudhovudvarslar
Foto: Juan Emilio
Systematikk
Rike: Animalia
Rekkje: Chordata
Klasse: Aves
Orden: Passeriformes
Familie: Laniidae
Slekt: Lanius
Art: L. senator
Namn på andre språk
  • Engelsk: Woodchat Shrike
  • Vitskapleg namn
    Lanius senator

    Raudhovudvarslar (Lanius senator) er ein fugl i varslarfamilien som hekkar i Sør-Europa, Midt-Austen og Nordvest-Afrika, og overvintrar i tropisk Afrika. Han hekkar i ope dyrka land, fortrinnsvis med frukttre, eik, furu eller poppel.

    Skildring[endre | endre wikiteksten]

    Hannen er ein iaugefallande fugl med svart og kvit overside, ei kastanjefarga krone og klår kvit underside. Underarten L. s. badius i det vestlege Middelhavet manglar dei store kvite vengeflekkene som er synlege i flukt på nominatforma. Hofuglar er litt mattare i farger enn hannar og er mørk brungrå på ryggen der hannar er svarte. Unge fuglar har fjørdrakt som skil seg med lysare og gråare farger. Denne trekkfuglen er ein mellomstor sporvefugl, kroppslengda er 18–19 centimeter og vekta 21–59 gram.[1] Hovudet er stort og det mørke nebbet har ein nedbøygd tupp.

    Utbreiingsområdet for hekking strekkjer seg frå Portugal til Hellas, Tyrkia, Irak og Iran, og frå Mauritania og Vest-Sahara i Nord-Afrika til Libya. Raudhovudvarslarar overvintrar i eit belte som femnar om Sahel, utvida sør til Etiopia og nordvestre Kenya i aust og Gabon i vest.[2]

    Føda er insekt, småfuglar og amfibium. Som andre varslarar jaktar han frå framstikkande greiner, og fester byttedyr på tornar eller piggtråd som eit «spiskammer». Under vårtrekket flyg denne arten ofte forbi hekkeområdet, og er ein sjeldan gjest til Noreg.[3]

    Kjelder[endre | endre wikiteksten]

    Referansar
    1. Yosef, R. & International Shrike Working Group (2016) Woodchat Shrike (Lanius senator) I: del Hoyo, J., Elliott, A., Sargatal, J., Christie, D.A. & de Juana, E. (eds.) (2016). Handbook of the Birds of the World Alive. Lynx Edicions, Barcelona. Henta den 4. desember 2016
    2. BirdLife International (2016) Species factsheet: Lanius senator. Henta frå http://www.birdlife.org den 4. desember 2016
    3. Søk på artsobservasjoner.no den 4. desember 2016

    Bakgrunnsstoff[endre | endre wikiteksten]

    Commons-logo.svg Commons har multimedia som gjeld: Raudhovudvarslar