Raudnebbsmaragd
| Raudnebbsmaragd | |
.jpg) Raudnebbsmaragdhann | |
_(8079740325).jpg) Raudnebbsmaragdhoe | |
| Utbreiing og status | |
Status i verda:  Livskraftig Utbreiinga av raudnebbsmaragd | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Seglarfuglar Apodiformes |
| Familie: | Kolibriar Trochilidae |
| Underfamilie: | Trochilinae |
| Stamme: | Trochilini |
| Slekt: | Chlorostilbon |
| Art: | Raudnebbsmaragd C. gibsoni |
| Vitskapleg namn | |
| Chlorostilbon gibsoni | |
Raudnebbsmaragd (Chlorostilbon gibsoni) er ein fugl i kolibrifamilien med utbreiing i store delar av nordlege Colombia og nordvestre Venezuela.
Skildring[endre | endre wikiteksten]
Dette er ein liten til mellomstor kolibri, ca. 7,5 til 9 centimeter lang og med kroppsvekt på 8 gram, inntil nyleg rekna som ein underart av blåhalesmaragd, Chlorostilbon mellisugus. Hofuglane frå desse to artane er like, men hannfuglane skil slik seg i fjørdrakta.
Hannfuglen av raudnebbsmaragd er mest kjenneleg med raudfarge i nebbet og sterkt kløfta hale. Fjørdrakta er grøn, med innslag av bronse-grønt på oversida. Halen er blåsvart.
Hoa manglar raudfarge i nebbet, manglar den djupe kløfta i halen og er lys grå frå strupen og nedover undersida. Ho har eit større kvitt strek bak augo. Elles mørk blågrøne sentrale halefjør og hovud og overside i gjennomgåande skinande grønt.
Leveområdet er i Colombia inkluderer Guajira-halvøya, austre Córdoba, departementa Cesar og Norte de Santander og vidare sørover langs Magdalenadalen. I nord strekkjer utbreiingsområdet inn i nordvestre Andes i Venezuela. Dei føretrekkjer tørre habitat helst under 500 moh., men kan gå opp til 2300 moh. i øvre delar av Magdalenadalen. Habitata inkluderer kratt, utmarksbruk, parkar og hagar. Dei finn føda i blomar lågt over bakken.[1]
Lite er kjent om storleiken av populasjonen og om utviklinga, arten har vore skildra som uvanleg i utbreiingsområdet.[2]
Kjelder[endre | endre wikiteksten]
- del Hoyo, J., Collar, N., Kirwan, G.M. & Boesman, P. (2015). Red-billed Emerald (Chlorostilbon gibsoni) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 20. juni 2015
- BirdLife International (2015) Species factsheet: Chlorostilbon gibsoni. Henta frå http://www.birdlife.org den 5. august 2023
- Referansar
Bakgrunnsstoff[endre | endre wikiteksten]
Wikimedia Commons har multimedia som gjeld: Raudnebbsmaragd