Rumat al-Heib

Rumat al-Heib
رُمة الهـَيـْب
landsby
Beduin-soldatar i det israelske forsvaret frå Rumat al-Heib under ein militærparade i Tel-Aviv i juni 1949.
Land	Israel
Distrikt	Nord distrikt
Kommune	al-Batuf
Koordinatar	32°46′39″N 35°18′26″E
Folketal	1 710 (2011)
Wikimedia Commons: Rumat al-Heib

Rumat al-Heib (arabisk رُمة الهـَيـْب, hebraisk רומת אל-הייב) er ein beduinlandsby nord i Israel. Han ligg nær Nasaret i Nedre Galilea og høyrer til al-Batuf regionale kommune. I 2011 hadde han eit folketal på 1 710. Landsbyen vart grunnlagd i byrjinga av 1920-åra av arabarar frå al-Heib-stamma, og vart opphavleg kalla opp etter familien. Det noverande namnet fekk landsbyen i 1968.

Al-Heib-beduinane var ein av fleire beduinar som var allierte med jødiske militære styrkar under den israelsk-arabiske krigen i 1948, og som aktivt deltok i å forsvare nedre Galilea og Beth Shean-dalen mot palestinsk-arabiske paramilitære og den arabiske frigjeringshæren. Al-Heib-soldatane danna sidan kjernen i Minoritetseininga til det israelske forsvaret. Fram til i dag er framleis mange menn frå al-Heib i teneste i forsvaret.

I 2007 var det spaningar mellom landsbyen og den nærliggande moshaven Tzippori, då beduinane vart skulda for kvegtjuveri.

Kjelder

• Denne artikkelen bygger på «Rumat al-Heib» frå Wikipedia på engelsk, den 4. februar 2015.
  • Wikipedia på engelsk oppgav desse kjeldene: