Den russiske marinen

Den russiske marinen (russisk Военно-морской флот России [ВМФ]; Vojenno-morskoj flot Rossii) er den sjømilitære greina av det russiske forsvaret. Marinen har skipstypeforkortinga RFS. Admiral Nikolai Jevmenov er øvstkommanderande.

Den moderne russiske marinen har utspring i den sovjetiske marinen etter at Sovjetunionen fall i 1991, men kan førast attende til tidleg på 1700-talet, då han blei grunnlagd av tsar Peter den store i samband med at Russland fekk tilgang til hamnar ved Austersjøen.

Den russiske marinen består i dag av fire flåtar og ein flotilje:

Austersjøflåten er basert i Baltijsk og Kronsjtadt, med hovidkvarter i Kaliningrad
Den kaspiske flotiljen har basar i Astrakhan og Makhatsjkala
Stillehavsflåten har hovudbase i Vladivostok og ein base i Petropavlovsk-Kamtsjatskij
Svartehavsflåten har basar i mellom anna Sevastopol og Novorossijsk
Nordflåten har hovudbase i Severomorsk og fleire basar i Murmansk-området

Nordflåten er den sterkaste delen av marinen med omtrent 55 000 mann. Her ligg også dei operative strategiske ubåtane, og hangarskip som «Admiral Kuznetsov».