Sibirturt
| Sibirturt | |
 Sibirturt | |
| Systematikk | |
| Rike: | Planteriket Plantae |
| Underrekkje: | Frøplantar Spermatophytes |
| Orden: | Korgplanteordenen Asterales |
| Familie: | Korgplantefamilien Asteraceae |
| Underfamilie: | Cichorioideae |
| Stamme: | Cichorieae |
| Slekt: | Salatslekta Lactuca |
| Art: | Sibirturt L. sibirica |
| Vitskapleg namn | |
| Lactuca sibirica | |
Sibirturt (Lactuca sibirica) er ein plante i planteslekta salat i korgplantefamilien. Han er tidlegare og tildels enno rekna til ei eiga slekt, sibirturtslekta (Mulgedium). Sibirturt er ein typisk art for det boreale barskogsbeltet i nordlege område i Eurasia. Han veks frå nordlege Noreg og Sverige og store delar av Finland austover til Kamtsjatkahalvøya, Sakhalin, Kurilane og Hokkaido. I Noreg veks han frå Salangen i Troms til Sør-Varanger i Finnmark. Veksestader er fuktige skogsområde, enger, sand og grus ved elver og vassdrag og i grøfter.
Planten er fleirårig og veks med ein ugreina stilk som typisk blir 25-100 cm høg. Stilken har fleire smale, lansettforma blad som kan ha bein eller fintanna kantar. Han blomstrar i juli-august med blå eller lyslilla blomar som sit i kvastar og er rundt 2 cm breie. Fruktene er dunete og opptil 5 mm lange.
Sibirturt har mange fellestrek med tatarturt, men skil seg ved at sistnemnde sine korger sit i klasar medan blada er noko parflika. Artane turt (Cicerbita alpina) og parksallat (C. macrophylla) har liknande blå blomar, men skil seg frå sibirturt ved å ha kjertelhårige blomekorger med skaft.
Kjelder
[endre | endre wikiteksten]- «Mulgedium sibiricum», artsportalen.artsdatabanken.no
- «Älvsallat - Mulgedium sibiricum (L.) Cass. ex Less.», Den virtuella floran
- O.E. Kravchenko, «Weeds - Lactuca sibirica (L.) Maxim. - Siberian Lettuce.», agroatlas.ru
